Wij Jan Aertssone ende Joes Holtemans, scepenen in Ghinneken, oirconden dat voir ons quam Margriet Gerit Ghij-
bendochter met Goidscalck van der Hoelt, hueren voigt, huer metten recht gegeven, ende lide dat sij vercoft heeft om
een somme van gelde die huer vol ende al betaelt is, Jan Berthels een halster rogs t'sjaers erfpachts, goet ende cust-
baer te gelden ende te leveren erflic ende alle jair opten onderpant metter maten van Breda op Onser Liever Vrouwen-
dach Lichtmisse, uut ende van eenen sester rogs t'sjaers erfpachts in afcortingen ende in mindernissen dair af
ende altoes even gelijck uutgaende uuten erffenissen ende onderpanden hiernae bescreven, welke erfenissen ende onder-
panden in desen brief genoemt ende gescreven staen gelijc den principalen scepenenbrief van den voirsz. sester rogs
erfpachts gemaict dien dat wel uutwijst ende wij scepenen voirscreven dair af gesien hebben ende hoeren lesen, dat's te
weten, uuter huysinge, schuere, houdge ende erffenissen met hueren toebehoirten ende uuten erve dairaen liggende, houdende
een lopensaet, luttel min oft meer, die gestaen ende gelegen sijn tot Heesstaden neven Adriaen Ghijben erfgenamen
erve op d'een side ende Symoens van Heesstaden erfgenamen erve op d'ander side, item noch uut ende op een stuck
weyden, geheyten Den Smissenberch, houdende een lopensaet, luttel min oft meer, gelegen neven Jans van Hoedoncx
erfgenamen erve op d'een side ende de voirsz. Jan Gerit Ghijbenzoons erve op d'ander side, item noch uut ende op een
stuck beemden, houdende een half buynder, luttel min oft meer, of alsoe groot ende alsoe cleyn alst gelegen is neven de
marck op d'een side ende Adriaen Ghijben erfgenamen erve op d'ander side, item noch uut eenen stuck beemden hou-
dende twee lopensaet, luttel min oft meer, met eender viertelsaet lants dairaen gelegen neven die marck op
d'ander side ende Symoen van Heesstaden erfgenamen erve op d'ander side, item noch uut ende op een stuck weyden, gehey-
ten dat Nederlant, houdende een buynder, luttel min oft meer, gelegen neven des voirscreven Symoens erfgenamen erve
op beyde siden, item noch uut ende op een stuck beemden, geheyten Die Buynder, houdende anderhalf buynder, luttel min
oft meer, gelegen neven Jan Smits erfgenamen erve op d'een side ende Symoens kynder van Heesstaden erve op d'an-
der side, item noch uut ende op een stuck heyvelis geheyten Die Rijt, houdende een buynder, luttel min oft meer, gelegen
neven Jans erve van der molen op d'een side ende des voirsz. Jans ander erve op d'ander side, item noch uut ende op een
stuck lants, houdende twee buynder, luttel min oft meer, gelegen neven des voirsz. Jans ander erve op d'een side ende
Adryaen Ghijben erfgenamen erve op d'ander side, item noch uut eenen stuck lants, geheyten Die Leemputte, houdende
vijf lopensaet, luttel min oft meer, gelegen neven desselfs Jans andr erve op d'een side ende Adriaen Ghijben erfge-
namen erve op d'ander side, item noch uut ende op een stuck lants, geheyten Sibbenstuck, houdende een buynder, luttel min
of meer, gelegen neven Adriaen Ghijben erfgenamen erve op d'een side, ende des voirscreven Symoens erfgenamen
erve op d'ander side, item noch een stuck lants, geheyten Spilkoenenhoff, houdende derdalf lopensaet, luttel min oft
meer, gelegen neven Adriaen Ghijben erfgenamen erve op d'een side ende desselfs Jans ander erven op d'ander
side, item noch uut ende op een lopensaet lants, luttel min oft meer, gelegen in den Langenhoff neven desselven
Jans ander erve op beyde siden, item noch uut ende op een stuck weyden met eenen stuck heyvelis dairaen gele-
gen, houdende een half buynder, luttel min oft meer, gelegen neven Adriaen Ghijben erfgenamen erve op beyde siden,
te vrijen ende te waeren dese onderpande voirscreven na uutwijsen der voirscreven scepenenbriefs metten erfpacht voirscreven
ende met sesse viertelen rogs erfpachts daer erflic even gelijc uutgaende ende met acht sesten ende thien lopen
rogs erfpachts met heeren chijnse ende met eenen ouden schilt erfchijns diar erflic voir uutgaende ende dat alle dese
huysinge ende erffenissen mede pant bliven sullen dair se met recht schuldich sijn mede pant af te sijne, in welken
halfter rogs erfpachts voirscreven die voirgenoemde Jan Bertels gevest werd toegedaen met vonnis ende met recht soo dat
hem seker is ende vast, met vorwairden dat hij hieraf doen sal alle gebuerlic recht. In oirconden desen brieve met
onsen segelen besegelt int jair ons Heeren dusent vyerhondert tweentnegentich sessentwintich dage in Junio.
Ginnekense regest nr. 532 uit 26 juni 1492
Beste forumleden, ik heb de smaak helemaal te pakken! Naast de akte uit 1417 ben ik ook bezig met dit prachtige Ginnekense regest nr. 532 uit 26 juni 1492 (Toegang 2095, inv.nr. C378) [4.1]. Het gaat over gronden pal aan de Mark en veldnamen zoals de Leemputten en de Smissenbergh [4.1]. Wie heeft er tijd en zin om de originele, handgeschreven tekst van dit charter voor mij te transcriberen? Ik ben heel benieuwd naar de exacte bewoordingen en jullie onnoemelijk dankbaar voor jullie hulp!
Reacties (2)
Ontzettend bedankt Geert. Dit is fantastisch! Enorm blij mee!
Angélique Claasen
zei op dinsdag 1 september 2026 - 21:11