Enkele aanvullingen:
Henrick van Eynde vettewarier pro se et nomine van Katlinen Joos int Ghoor/
onder Wustwesele, Janne Smit, Janne Goes ende Goessener Goes tot Calmpthout/
geseten quos suscepit, Rombout Henricx, Jan Cornelis vutsnijdere, Lijsbeth/
Jan Ghijs dochtere wedewe wijlen Jan Bolle cum tutore, Gielis van Lantschot/
tot Sundert, Willem van Lantschot zijn brueder ende Celie van Lantschot /
huere zustere met Andriese Wouter Jannes eius marito et tutore/
alle tot Sundert geseten ende Jan van Eysschel alias van Eynde huydevettere/
allen als erfgenamen wijlen Jans van Eijnde vleeschhouwers vore deen/
helft vanden huijse nabescreven suster Adriaene sBonten mater, suster Katline/
Tymmermans onder mater, suster Lijsbeth Dijcstrate ende suster Barbele Melis
susteren inden godshuyse van Sinte Agneeten datmen heet de derde ordene......
^vanden ......... ende convente desselfs godshuys^
bij consente ende bijwesene van Willeme De Moelenere
...vanden voirs goidshuyse vander
stad wegen dair toe gestelt als geinstitueerde erfgenamen wijlen Lijsbetten/
Puyts wedewe was des voirgenoemde wijlen Jans Van Eijnde vore dander/
helft vanden selven huijse gaeven t'erve Janne van Wale een huijs/
metter plaetsen metten cameren daerop staende gedeele vanden borneputte/
hove fundo et pertinentiis omnibus gestaen inde Meere tusschen Jacops/
Van Dale des houtbreckers erve ex una ende der gebruederen van Cantelbeke
erve ex altera streckende achter aender erfgenamen heer Henricx De Coninc
ridders erve tsjaers erflic omme vive scellinge grooten brabants prout communiter
ende een gelte raepsmouts grontchijs die de voirs wijlen Lijsbeth Puyts/
in hueren testamente op te voirgenoemden huere helft vanden voirscreven huijse/
gegeven ende beset heeft. Te wetene de vive scellinge grooten erflic tot behoef
van negen jairgetijde ende de gelte raepsmouts erflic den gheesthuyse
int beghijnhof alhier. Dandum natalis. Voirdane soe geloofden zij dat //
Te waerne op thiene scellinge sesse penninge chijsgelts ^ende vijf hoendere^ erflic eenre
capelrien vore Sinte Katlinen outaer in Onser Liever Vrouwen kercke
alhier prout litteræ daer jaerlicx vore uutgaende ende anders nyet. Ende
den voercommer ende voerchijs geloofde de voerseijde Jan van..... pro se
et suis voerdaen eeuwelic duerende te geldene ende te betalene
sonder mindernisse ende ........
Hans Van Landschoot
zei op zondag 14 augustus 2022 - 18:47