Ick, Louweerys Willemsz, schout in den ambocht van Stompick, doe condt allen luyden, dat voir mij ende buyeren in denselffden /
ambocht gecomen is Aelwijn Dircksz ende bekende mits desen voer hem, zijnen erven ende naecomelingen aengenomen te hebben in /
eewige erffpachte van de eerwaerdige vrouwe van Reynsburch mit haer convent, eerst een woeninge mit schuyer, barch, /
boemgaert, potinge ende plantinge met ontrent vijff margen houdt landts, gelegen in den voorsz. ambocht binnen wech nae uuytwijsen /
t'morgenboeck, streckende van de Stompwickse wech tot Symon Dircksz's landt, Oodziex Dircksz's landt ende Philips Dircksz's landt /
ende heeft belegen an dye oostzij de Rijnsburger vaert, an de westzijde dye wech genoempt Costverloren, noch derthien martgen landts /
bij den hoop sonder maet, gelegen buyten wech, streckende van de Stompickse wech tot dye vliet toe, belegen and dye oostzijde Dirck /
Korstijnsz van Alckmaede ende Oodzier Dircksz ende an de westzijde dye voorsz. Reynsburger vaert, ende die voorsz. Aelwijn Dicxksz /
heeft belooft alle jaers te brengen up die landen voersz, ses ende vijftich goede geladen schepen poortaerde off cleyn baggert ende thien /
schepen landts, ende houden die voersz. woeninge ende landen in goede reparatie, ende die voern. Aelwijn Dircksz ofte actie van /
hem hebbende sal erfflick ende eewelick alle jaers betaelen tot Sinte Lambrechts daghe vijff ende tnegentich karolus guldens, off /
paymente dyer waerde, waer off het eerste jaer van betalinge sal wesen Sinte Lambrecht in den jaere 1548, noch is /
gecomen voer mij schout voern. ende buyeren des voersz. ambochts Aem Jacobsz zijn wijffs vader , woendende tot Voerburch, ende is /
geworden waerborch voer alle t'gundt dat voersz. staet, dus zoe heeft Aelwijn Dircksz belooft zijn wijffs vader voern. van als /
scadeloos te houden, ende off daer gebreck viel in de jaerlicxe betaelinge voersz., soe sal Aem Jacobsz voern. mogen overnemen ende /
an hem houden die voersz. woeninge mitten landen voersz., mits betalende dye erffpachte jaerlicx als voersz. is. Alle dinck sonder /
arch ende list. Des thoirconde zoe heb ick Louwerys Willemsz, schout van den ambochte voersz. desen brieff uuythangende bezegelt /
mit mijnen zegel in presentie van de tegenwoerdigheyt van getuygen, als Jores Cornelisz ende Lenert Geritsz, buyerluyden /
in den ambocht voersz., hierover geroepen ende gebeden, ende is aldus gedaen int jaer ons Heeren duysent vijffhondert /
negen ende veertich upten 22en dach in [maand ontbreekt].
A.G.P. Janson
zei op woensdag 27 januari 2021 - 17:01