Erfdeling Nieuwkuijk 1

Wij, Joris Danielssen ende Niclaes Adriaenssen,
schepenen der heerlijckheyt van Nieuwencuyck,
doen cond eenen ieghelijcken dat op huyden date van
deesen voir ons gecomen ende gecompareert sijn in
henne propre persoonen Henrick Reynen, als man ende
getrout hebbende Janneken Adriaenssen, zijne wittighe
huysvrouwe ter eenre ende
de kynderen ende erffghenaemen van wijlen Claes Adriaenssen,
verweckt bij Maria Henricxen de Vriesen, zijne
naergelaeten huysvrouwe, als namentlijck
Adriaen Claessen, Henrick Claessen, Gherardt
Janssen, als man ende getrout hebbende Magdalena
Claessen ende Mathijs Driessen, als man ende
getrout hebbende Lijsken Claessen, zijne wittige
huysvrouwe, ter andere zijden, ende hebben onderlinge
gemaeckt ende geconcipieert een erffscheydinghe
ende deylinghe van die achterghelaeten goederen die
wijlen Adriaen Claessen ende Willemken zijn
huysvrouwe vader ende moeder is van de huysvrouwe
van den voirn. Henrcik Reynen ende bestevader ende moeder
van de kynderen ende erffghenamen van wijlen Claes Adriaensen,
metter doodt geruymt ende achtergelaeten hebben, in
der selver voegen ende up conditien jaerlijck den voorsz.
erffghenaemen van den voirn. wijlen Adriaen Claessen
voir date deses van den anderen gescheyden ende
gedeelt zijn geweest, naer ratificatie of
approbatie van deselve voirgenoemde 
erffscheydinge ende deylinge, gelijck die 
ten selven tijde gepasseert is geweest,
overmidts welcke voorsz. erffscheydinge ende deylinge
zoe is te deel ghevallen den voirn. Henrick
Reynen als man ende mamboir van Janneken Adriaens
van de saecken inghesedt mette timmeringhe ende
huysinge daerop staende, geleghen in de heerlijck-
heyt van Nieuwencuyck tusschen erffve van
gelijck Reyn Claessen ende den voirn. Henrick Reynen
d'een eynden, den anderen oostwart aen de Willenken,
daerneffen westwart, streckende vandaer
gehmeynder straten noordwaert op tot Dorfken
haer mans erffve toe, ende den voorsz. Henrick
Reynen sal gehouden weesen jaerlijcx haer uyt te
gelden den ghewoonlijcken haverchijns, noch een
mudde rogghe jaerlijcx aen de chappelle tot Cuyck
ende vijffthien stuyvers s'jaers van het verdinghe
ende is te weten ende te deelen hen allen de voirn.
kynderen ende erffghenaemen van wijlen Claes Adriaenssen
dordalffen merghen landts, gheleghen tot Nieuwen-
cuyck voirsz. tusschen erffve van Roeloff
Janssen oostwaert ende Reyn Claessen den voirn.
Henrick Reynen ende Corst Hermans d'een eynden
den anderen westwart streckende van der
ghemeynder straten aff noorwart op tet d'erffve
van den voirn. Reyn Claessen toe, ende sullen
de voirsz, erffgenaemen daer jaerlijcx uuyt gehouden zijn
te gelden den behoorlijcken haverchijns midts
conditien dat den voirsz. kynderen ende erffgenaemen van wijlen
Claes Adriaenssen vast van waerden ende onverbreeckelijck
sullen houden de erfscheydinghe ende deylinghe
die zij tusschen malcanderen van de achtergelaeten goederen
van haeren voirsz. ouders voir date deser gemaeckt ende geconcipieert hebben