erfdeling Arnt van Boekcholt 1565

Wij Floris van Boeckholt, Arnt van Boeckholt Arntszn, Jacob Touman ende Jan Touman doen condt ende tugen myt desen erfmagescheytz- /
brieff, dat wij als vrienden ende bloetzverwanten tusschen den naegelaeten kynderen Arntz van Boeckholt, scholtis ter tijtz der stadt Grave, ende / Jenneken Toumans, sijnder echter huysvrouwen,  namentlick Arnts ende Reyner van Boeckholt, gebroeders, ende Jenneken van Boeckholt, naegelaeten /
dochter Janss van Boeckholt, Arntz ende Reyner voirsz., broeders bij joffrouw Johanna Krummels verwect, ende Derick Maernix nagelaete sone Eva /
van Bouckholt, Arntz van Bouckholtz, scholtis ende Jenneken Toumans voirsz., dochters ende Willem Moennix Jansz echte huysfrouwe, een mindelick /
erffmagescheyt, gededingt, geslooten ende eendrechtelicken uutgesproocken hebben, in manieren ende op vorwerden naebeschreven. in den yersten sall Arnt /
van Boeckholt Arntsz ende Jenneken voirsz. soen hebben ende behalden voir sijns kyndtz gedeelte enen camp landtz in der wyten gelegen, genompt /
hoichgeboiren, daer jarelix uutgaen sullen in lossrenten sess philippus gulden aen meyster Arnt van Boeckholt, noch sess gulden brabantsz aen Janxken /
Loiffsz, weduwe, noch sess philippus gulden aen suster Aelken van den Veldt, noch sess philippus gulden aen Pouwels Loiffz, noch sess gulden brabantz aen /
Jan Dass, noch vijff gulden brabantz aen dat capittel te Grave in Sinte Elizabeths kercke, tegen welcken uutgaende pachten Arnt voirsz. wederom /
heffen ende bueren sall twelff philippus gulden t'sjairs op Derick verleyen ende seevendenhalven philippus gulden t'sjairs in twe brieven op die stadt van den Grave, item /
sall Arnt voirsz. hebben ende behalden twee malder rogge t'sjairs die tot oiffel gegolden werden, ten tweeden sall Reyner van Boeckholt voirsz. voir sijn /
kynssgedeelte hebben ende behalden den bouwhoff op Calden oirt  myt sijnen toebehoeren, ende myt den beesten uut welcken bouwhoff jairlix gaen sullen sess /
malder roggen sonder loff, waertegen dat hij noch behalden sall een thiende uut eenen bouwhoff op Hall gelegen, toebehoerende den convent van Maryalandt, /
des sall Reyner voirsz. noch uut desen voirsz. hoff jaerlix gelden in lossrenten acht brabantz gulden aen schout Vossen huysfrou ende kynderen, item noch /
sess gulden brabantsz aen Thijss van der Heyden, item die rent van vijffentseventich brabantz gulden eens aen Herman van Erp, item noch die rente van /
tweendertich brabantz gulden eens aen Henrick in den Valck, item noch sall Reyner voirsz. boven desen uutganck betalen aen Ffrans Paedsen hondert gulden /
brabantz, item noch sall Reyer voirsz. hebben ende behalden anderhalff malden roggen op Derick Effelen tot Vanray uut eenen brieff van vierdehalff mal- /
der roggen, ten dorden sall Jenneken die weze wijlen Janss van Boeckholt voirsz. voer ar kyntssdeell hebben ende behalden eenen camp landtz tot Lynden aen /
dat brouck gelegen, genompt Reyffshoyven, uut den welcken erffelicken jaerlix sullen gaen aen dat huyss van Meer vier gulden brabantz drie stuyvers ende /
drie oirt stuyvers, waertegen Jenneken voirsz. wederom bueren ende behalden sall op Arnt van Boeckholt Arntsz, haer neve een erffrente van vijff gulden brabantz /
ende enen stuyvers brabantz des jairs, des sall die voirsz. Jenneken uut den voirsz. camp noch ghelden sess philippus gulden aen Arnt van Boeckholt Arntsz. /
aer neve voirsz,, te weten die helft van enen brieff van twelff philippus gulden t'sjairs, item noch sall Janneken vorisz. hebben ende behalden op de veer van Catwijck /
sess philippus gulden t'sjairs, item noch twe malder erffrogs op Jan Janssoen van der Heyden int Hollander Broeck tot Mijll, ende noch anderhalff erff malder roggen op /
Derick Esselen tot Wanraey uut enen brieff van vierdehalff malder t'sjairs, ten vierden ende ten lesten sall Derick Moennix naegelaten weze Eva van /
Boeckholt myt will ende consent Willem Moennix sijns vaders ende mombers hebben ende behalden van sijn kynssdeel enden camp landts, gelegen tot Lynden /
genompt dat Marbrouck myt den erffthijns van twee stuyver, twe penningen ende een mijt, daer uutgaende aen den heer van Ewijck, item noch sall Derick /
voirsz. uut den voirsz. camp jairlix gelden aen Bhertgen, des secretaris huysfrou drie malder rogs ende drie philippus gulden jairlix op een loff van hondert /
philippus gulden, ende noch sess philippus gudlen t'sjairs aen Arnt van Boeckholt Arntsz. sijn neve, te weten die helfft van twelff philippus gulden dair die /
weze van Jenneken van Boeckholt voirsz. die helft aff ghelt, item tegen dese sess philippus gulden voirsz. sall Derick voirsz. noch hebben ende behalden uut dat /
veer tot Catwijck sess philippus gulden t'sjairs, item noch sall Derick voirsz. hebben ende behalden in erffrog aen Aeb tot Wanraey twee malder aen Henrick Esselen /
Derickxsz een malder ende aen Derick Esselen voirsz. een halff malder uut den brieff van vierdehalff malder voirsz. t'sjaers, soedat Marbroeck voirssz. soe /
goet niet en is als Royffzhoyven voirsz. sal Derick voirsz, voire dat goetdoen van dien noch hebben ende behalden uut den veer tot Catwijck drie philippus gulden /
t'sjairs, item soe die vier partijen van den voirsz. erffgenamen noch hebben saemen gharff twe heinre ende twe stuyver thijnss eest bededingt dat Arnt van Boeckholt /
die alfte van den vier partijen voirsz. die voirsz. thijns parcelen behalden sall, ende des sall sij gehalden sijn te qwijten ende te loessen een obligacie van enen /
gulden t'sjairs aen Catarijn Meyster, Arnts suster, item oick myt bededingt dat Arnt voirsz. sall behalden Derick Touwers huyss, gelijck hem dat gevest is /
buyten becrot ende bestoering sijns brueders, neve ende nichte voirsz., item is noch te weten dat die huysinge ende erve van Arnt van Boeckholt ende /
Jenneken Touwmans voirsz. nu ter tijt aen Willem van Lith verhuert is, ongescheyden ende ongedeylt gebleven myt den last van twee erf malder roggen ende /
drie oirt geltz ende twee stuyver thijnss, allet onlosber ende tegen vijffthien brabantz gulden t'sjairs losrenten aen heer Ffloris van Boeckholtz zelliger natur- /
licke kynderen, item van sess philippus gulden t'sjairs aen Gurt die Verwer gegolden op een hanttteycken, item noch van eenen philippus gulden t'sjairs aen Jan van Mijll op een obligacie /
ende noch van tweentwintich brabantz gulden eens aen Gherit Voss ende sijn huyvrou op een obligacie, item voorder eest bededingt ende uutgesproecken /
so van als eenich van den vier partijen voirsz. op sijn aengedeylde guederen, eenige last, schade, hynder ende besteeringe crege boven die last van den /
uutgegolden pachten elck op sijn aengedeylde guederen boven gespecificeert, sullen sij partijen voirsz. samenderhant ende ter gelijcken porcyen malcanderen doen /
toecommenden sijnder schade ende bestoringe helpen dragen, sonder alle arch ende list, ende want wij Fflorys van Boeckholt, Arnt van Boeckholt Arntsz. /
Jacob ende Jan Touwman voirsz. als vrienden ende bloetzverwanten dese tegenwoirdige erffmagescheydinge gededingt, gesloeten /
hebben wij om aller vasterheytz wille tot oirconde der waerheyt een ygelick onsen segell aen desen erffmagescheytsbrieff gehangen, begeven in den jaire /
ons Heeren duysent vijffhondert vijff ende tsestich op den eenentwintichsten dach van November.

Beste Geert, heel erg bedankt weer voor je hulp.