Eerstelijck soo sal tot den Waerdenburghse water-
molen van nooden sijn dese naevolgende leveranty,
dat tot den molen van noorden sal sijn.
Twee veever in stucken ider lanck dorten voet, swaer
tien en vijftien duym met noch een stuck lanck tien voet,
swaer seven en sestich duym.
Noch twee nieue voughouten ider lanck
vierentwintigh voet, voor swaer veerten en sestien
duym, achter swaer twaelff en veertien duym met
een bequame seeghe van ontrent acht duym omt rat vrij te
conne gaen.
Noch een nieuen iserbalck die lanck moet
sijn veertigh voet, int midden swaer elf en dortien
duym, aen de enden negen en tien duym
met een nieue stuenbalck, lanck dortien voet, swaer tien en twaelf
duym, den stuender vant ouwe hout.
Noch te leveren vierendertigh nieue Iipe rollen,
lanck seven en halven duym, hooch acht duym, met twee en dertigh
essen off bocke nueten om in de kuyp te wercken.
Noch te leveren een nieue wolfbalck, lanck twintigh
voet, int midden tot de voughouten toe swaer elf en twaelf
duym, aen de enden negen en tien duym.
Nog een nieue steert, lanck ontrent veertigh
voet, swaer int midden tien en twaelf duym,
boven negen en tien duyem, midden navenhant.
Stan de Jongh
zei op woensdag 28 juli 2021 - 14:50