Eigendomsbewijzen van land in Stompwijk, 1494 en 1513

Deel 2

(deel 2 is dezelfde tekst maar met een ondertekening erbij)

Deel 3

beste peter,

Het eerste stuk heb ik getranscribeerd en staat hieronder. de laatset regel met de datum verdwijnt achter de vouw. Die kon ik dus niet lezen. Ik zal ook nog anar de tweede tekst kijken. Hier alvast de eerste:

Wij Jan Aerntsz van Beringen ende Frans Ghijsbrechtsz, scepenen in Leyden, oirkonden dat voor ons quamen meester Bertelmees Laurensz van Alphen, pater van den /
cloester ende conovente van Roem binnen Leyden, staende op Rapenburch, mit Jacop Dryman, sijnen gecoren voicht in dese sake, als gemachticht van denselven convente nae inhoudt/
des macht briefs, besegelt mit des voirsz. convents segele in date duysent vijfhondert ende elff opten derden dach in Junio, die wij scepenen voorsz. dairvan gesien ende gelesen hebben /
in den naem van Katrijn Aelbrechtsdochter, mede professede? suster in denzelven convente ter eenre sijde, ende Cornelis Cornelisz als man ende voicht van machtelt Aelbrechtsdochter, /
sijn wijf ende dieselve Machtelt dairbij wesende ende dairinne expresselick consenterende ter andere sijde. Ende bekenden dat zijluyden bij tusschenspreken van goede mannen minlick /
ende vriendelick gedeelt, geschyft ende gescheyden hebben alle alsulcke erfnisse, goeden ende besterfnisse als die voorsz. Katrijn ende Machtelt upgecomen ende anbestorven sijn bij  dode ende /
overlijden van Aelbrecht Aelwijnsz ende Marie Pietersdochter, hoir beyder vader ende moeder saliger gedachten, ende dat in manieren hiernae verclaert, dats te weten, dat tvoorsz. /
convent mit Katrijn voorn. te lote gevallen sijn ende eygelick ende erflick behouden zal alsulcke perchelen van landen als hiernae volget ende bescrevens staen. Eerst zes ackeren hondt /
lants gelegen in Stompick in Coepgens woninge voirsz. and die weestsijde dair die twee ackeren off strecken voir van die Stomwijcker weech tot after an die veen ende die ander ander vijf ackeren mit dat  boomgertjen ende esschtuynke /
achter an Geryt Woutersz woninge, ende hebben belegen an die oestesijde Cornelis Cornelisz voorsz. an die weestsijde die laen ende an dat suyteynde Geryt Woutersz mit die veen. Item noch /
vier ackeren hondt lants in Coepgens woninge voirsz. and die weestsijde dair die twee ackeren off strecken voir van die Stompwijcker weech toe after an die veen ende die ander twee ackeren /
strecken van die weech tot dat crommen van den laen, ende hebben belegen an die oestsijde die laen mit die hoffstede voirsz. an die weestsijde Cornelis Cornelisz voirsz. an dat suyteynde /
Geryt Woutersz mit die veen ende an dat noerteynde Stompwijcker weech. Item noch vier ackeren lants voir of van de Stompwijcker weech nae die vliet dair die twee ackeren of sijn /
cort ende die ander twee ackeren landt ende hebben belegen an die oestsijde Geryt Woutersz voirsz. an die weestsijde Cornelis Cornelisz voirn. an dat suyteynde Geryt Woutersz voirn. ende an /
dat noerteynde van die twee corte ackeren Geryt Woutersz voirn. ende die twee lange ackeren  Ghijsbrecht Symonsz. Item noch vijf hondt of dair omtrent hondt lants, gelegen in den voorsz. /
banne van Stompwijck dari of die een helft den voorsz. convente in der voorsz. lotinge an gecomen is ende die ander helft van Cornelis voirn. van welcke coepe hij bekende wel voldaen /
ende betaelt te wesen. Ende heeft belegen an die oestsijde die erfnamen van Ghijsbrecht Claesz, an die westsijde ende an dat suyteynde Joris gerytsz ende an dat noerteynde Stompwwijcker weech /
ende hier jegens soe is te loeten ende te deele gevallen Cornelis Cornelisz voirsz. mit Machtelt voirn. om ewelick ende erflick te behouden alsulcke perchelen van landen ende goeden als hier nae /
volgen. In den eersten ontrent derdalff morgen lants bij den hoep, sonder maet, gelegen buyten an Coepgens woninge and die oestsijde. Ende hebben belegen an die weestsijde t'convent /
voorsz., an die oestsijde Dirck Bosschaertsz, oude Sier Martijnsz ende Cornelis Martijnsz, an dat noerteynde Stompwijcker weech. Item noch een morgen /
hondt lants bij den hoep sonder maet, gelegen buyten an Coepgens woninge, an die weestsijde darin leyt een werfken maylants, gehieten Leewaert mede dairan behoerende, /
heeft belegen an die oestsijde t'convent voirn. , an die weestsijde die erfnamen van Willem Jansz, an dat suyteynde Geryt Woutersz, mit die veen, ende an dat noerteynde die Stomp- /
wijcker weech. Item noch vier ackeren hondt lants voir of van die Stompwijcker weech nae die vliet, groot wesende omtrent acht hondt lants. Ende hebben belegen an die oestsijde /
t'convent voorsz., an die weestsijde Aernt Gerytsz, an dat suyteynde Dirck Huygensz, ende an dat noerteynde Ghijsbrecht Symonsz. Item noch een huys ende erve mit een olymolen ende hoe /
gerescip, staende binnen Leyden besijden an t'weeshuys, mit paerden, koyen, beesten ende huysraet als dair up die tijt in was, dair of d'een helft den voirsz. Cornelis in der voorsz. lotinge an- /
gecomen is ende heeft die ander helft gecoft van den convente voirn. van welcke coep voirt die pater voorsz. in den naem als boven hem bekende wel voldaen ende betaelt te wesen. Item /
indien eenige lasten upten boel voorsz. nae datum briefs quamen, die beloefden beyde die  pertien in den naem als boven gelijck halff ende halff mit malcander te dragen, ende mit dese /
delinge schyftinge ende scheydinge belieden hem die voirsz. pertien in den naem als boven van den voirsz. erfnisse dat sij wel gedeelt, geschyft ende gescheyden sijn ende beloofden malcanderen /
ende elcx den anderen van den voorsz. erfnisse ende goeden nymmermeer ander delinge, schyftinge of scheydinge te eysschen, noch te doen eysschen in geenre manieren, ende schelden malcander ende /
elcx den anderen quijt alsulck recht, actie ende toeseggen als elcx up des anders deel te seggen heeft of gehadt mach hebben tot desen dage toe datum des briefs. Item  voirt soe heeft /
die pater in den name als boven beloeft te vrijen ende schadeloes te houden ten ewygen dagen Cornelis voorsz. ende sijnen erven van alsulcke ses ponden hollants tsjaers /
losrenten als Jacop Timminck heeft op die hofstede van Coepgens woninge voorsz. nae uutwijsinge een brief dair of wesende in date duysent vierhondert ende negen ende dertich up Sinte /
Bomsaems dach, ende noch vier ponden hollants tsjaers staende up dat geheel goet van den boel voorsz., ende hierjegens soe bekende die pater voirsz. ontfangen te hebben van /
Cornelis voirn. eenen brief wesende van der date duysent vierhondert ende negen ende tnegentich den negentiende dach in aprill, inhoudende thien pondt payments tsjaers, dair /
dat huys van Coepgens woninge voorsz. mit ses morgen lants mede uytgegeven is in erfpacht Gheryt Woutersz ende sijnen erven, om dat voorsz. convent dair mede te winnen ende /
te behouden ten ewigen dagen, welverstaende, wairt bij alsoe dat Geryt Woutersz voorsz. of sijne erven niet en betaelde als den voirn. brief uutwijset, of andersins die voirsz. woninge /
liete leggen, dat alsdan den rechten eygendom comen sal an den convente van Roem voirn. ende niet an Cornelis voirseyt of sijnen erven, aengesien dat t'convent vooirsz. altijt gehouden sal wesen /
die twee perchelen van pachten te betalen als voorsz. is. item  voirt soe sijnt voirwairden dat beyde pertijen die  sloten tot eenich van beyder landen  dienende ende wesende, niet benemende /
noch beletten en sullen, mer sullen die gemeen houden tot hair beyder profijt. Item voirt soe bekende die pater voorsz. in den name als boven noch sekere brieven als hier nae volgen van /
Cornelis voirn. ontfangen te hebben diewelcke hij beloefde Cornelis voirn. ende sijnen erven die wederom te doen of copie auctentyck dair uyt te  leveren hoeneer hij dat begeert of /
die in eenich recht te doen sal hebben, in den eersten een wairbrief van seven morgen lants voir van die weech, wesende van der date duysent vierhondert ende tnegentich den lesten /
dach in februario. item noch drie brieven van sloeten om die te varen ende te gebruken dair die twee of sijn van der date duysent vier en tnegentich den dertienden dach /
in Decembri, ende den derden brief is van der date duysent vierhondert negen ende tnegentich den derden dach in Septembri. Item  noch een brieff roerende van coep van lande leggende /
in den ban van Soeterwoude, wesende van der date duysent vierhondert twee ende tnegentich den achten dach van Octobri. Item noch een brief van uytcoep van  Aelbrecht Aelwijnsz van /
erfnisse van sijn ouders, wesende van date duysent vierhondert ende twee ende tnegentich den ses ende twintichsten dach in Maerte. Item ende noch een vertichbrief in papier gescreven ende /
die segel dairop gedruct, wesende van der date duysent vierhondert vijf ende tnegentich upten sesten dach van  augusto, ende hier off sijn twee brieven dair of dat heeft die /
pater vorisz. tot behoeff van t'convent voirn. den eenen ende Cornelis Cornelisz voirn. den anderen. In oirkonden desen brief besegelt mit onsen segelen int jair ons Heeren duysent /

[de rest van de tekst gaat schuil achter de vouw]

Dit is het tweedee deel;

Ic Floris Jansz die Koc, schout inden ambocht van  Zoetermeer, doe cond allen luyden dat voir mijn quam Ymmetgen, /
Peter Jacopsz wedue, met horen rechten voecht Willen Jacopsz ende bekende waer dat sake dat Aelbrecht Aelwijnsz enige /
hinder, cost of scade leet van alsulck lant als Aelbrecht ghecoft heeft tegen  Ymmetgen voirsz. boven buerlant behoudelic- /
ken dat op dit voirsz. lant staet alle jaer jaerlijke renten ses pont hollants ende is groot seven morghen, luttel myn/
of meer bij den hoop sonder maet ende gheheten Coeptgens woeninghe, ghelegen in den ban van Stompick also groot /
ende cleyn alst Pieter Jacopsz, zaligher ghedachten, in voirtijden gehcoft heeft van Aelbrecht voirn. ende heeft beleghen /
an die oostzijde Jan Gheritsz, an dat zuyteynde die Stompicker wech, an die westzijde Gherit Woutersz, an dat /
noorteynde Phillips Dircxsz, Ymmetgen ende Willem Jansz, beyde voirsz. gheloefden Aelbrecht voirsz. dese voirn. /
seven merghen lants te vrijen jaer ende dach alse recht is, alle dinck sonder arch of list. Hier stonden bij Buet /
uuten ambocht van Zoetermeer als Cornelis Jansz, Jan Kenssoen ende jan Dircxsz. In kennise der waerheyt so heb ic /
Floris Jansz, scout voirsz., mijnen zegel ghehanghen an desen brief in jaer ons Heren duysent vierhondert vier /
ende tneghentich den lesten dach van februarys.

Pas later zag ik dat op de andere afbeelding ook de datum aan het eind te lezen was. Die wist je overigens al. Het is 14 november 1513

Heel erg bedankt voor de moeite! Dat is snel gegaan.

Ik heb nog een vraag over de de laatste regel van deel 1, de handtekening(en) op de achterflap. Staat in de laatste regel alleen maar "vijf honderd en dertien, veertien november." In denk dat ik een woord of 2 mis, maar misschien klopt dat niet.

En de handtekening op de achterflap, is die alleen van Jan Florisz? Die kan ik lezen, of zijn er meer?

Onderaan het charter staat letterlijk op de laatste regel: 'vijfhondert ende derthien upten veertienden dach in Novembri'

Op de achterflap is de einge naam bij de ondertekening die van Jan Florisz.