Een pagina uit een aktenboek uit 1403

Deel 2.

Deel 3

Ik heb niet alles kunnen oplossen. Maar misschien heb je wat aan het volgende:

Int jaer 14 ende drie sWundages na de 11e ...  dach quamen voer scout, burgemeesters, scepenen ende raet
ende den achten in der camer Kerstiaen Lubbersz baelju van sonen op d'een zide, ende Jan Segersz ende  Grave Segersz
Pieter Segersz ende Adriaen Jacopsz op d'ander zide, ende bekennen een segghens aen den guede luden vorschreven
van alle geschil ende onlust die tot huden desen dage toe tusschen den pertien vorschreven geweest heeft, ende
sonderlinge roerende van sulken onlust ende geschil dat geschiede in Nieustrien voir die vierschaer des
die die guede luden metten acker voirschreven hoer segghen hier af geseit hebben na alle gestant ende waerheit
segghen die guede luden van den gerecht metten achten voirschreven beide pertien voirn. mit malcanderen vereffent
ende gesoent mit horen hulpen ende starke van alle geschil ende onlust, voert soo sullen Jan Segersz
ende Grave Segersz den heer Uutrestrien hem te beteren, dat's te weten Jan Segersz dertich pont hollants ende
Grave Segersz twintich pont hollants tusschen dit ende Sinte Mertinusdage in den winter naestcomende,
item zoe sullen Jan Segersz ende Grave Segersz Gode te eeren ende den heeren in Nyenstrien te beteren ghaen een be-
denaert te Rodzemaderen tusschen dit ende Sinte Jansdage te midzomer naestcomende, dit segghen u
geseit te houden op beiden ziden ende van horen hulpe ende starcke op een peyne van 5£ hollants, te
keeren dier't die guede in de voirschreven heeren Willem of die peyne verbuert worde, voert sijn borgen
gesamenderhant voer den baalju vorschreven dese soene te houden ende te doen houden optie peyne vorschreven,
Adriaen Stont in Nyenstrien knop Michielsz, Jan Jansz ende Jan Woutersz, des heeft die baelju vorschreven
sijn vorsz. borge gelooft scadeloes te houden, item sijn Jan Segersz ende Grave Segersz borge gesamenderhant
Jan Jansz Aernt Meeuwsz uut twintichoeven ende aen de Aernd Aerndsz dese zoene te houden ende te doen
houden opte peyne voirschreven, hieraf hebben si hore borgen vorsz. gelooft scadeloes te houden, voert soe
hebben Pieter Segersz, Jan Segersz ende Grave Segersz gesamenderhant gelooft Adriaen Jacopsz vorschreven te
houden in der zoenen vorschreven, gelike hem selve opte peyne vorn. des heeft Adriaen vorsz. sijn borge
vaste gelooft scadeloes te houden, alle dinghen sonder argelist.

Int jaer vorsz. op Sinte Martinsavont inden winter quam voer scepenen in de camer Jan die Witte
die backer, ende bekende dat hi tot Wouter Meeusz sijns bruders behoef ontfaen heeft anderhalf
hondert pont hollants payments als nu binnen Dordrecht gheughe ende ghave is, daer hi Wouter sinen brueder
vorn. mede sal houden of doen houden om die nutscappe van den gelde vorschreven, duerende sijn leven lanc, hier-
voer sijn Jans Witten borge vorn. ende Bertholomeeus Jansz, priester ende Everaet sijn brueder, te voldoen
wes hieraen gebrake, des heeft hij sijnen vorsz. borghe hier of gelooft scadeloes te houden, hier of bekende
hem Wouter Meeusz in der camer voer scepenen voldaen als van der eenre helfte van de gelde voorschreven van
Machtelde Jans Witte wedue ende schant beide borgen vorsz. quijt ende verdroech hem
hore borchtorchte voer scepenen in der camer anno quijte in perfesto odulfi [open plek].
Int jaer vorsz. opte 14e dach in Novembri wart bevonden hier in dit register te teykenen tot eenre kennesse
hoe dat Jan van Naerssen Henrixz, noch sijn brueders, noch gheen van sinen maghen ende vrienden daer hi noch over
en ware, noch hoer consent daertoe en ghaven daer Jan Hughesz schiede van Hadewien sinen wive
derselver wedue van Naerssen ende daer die ordinancie ende die brieven van hore twier scheiding ghemaect ende

20. Int jaer vorsz. Sonnendage na Sinte Mertinusdach in de winter, zwoer Symon Briensz, meter te wesen
van koeren voer scepenen in de camer.

21. Int jaer  vorsz. t'Saterdage na Mertinus in de winter verborchde Cleis Hallinc, Aernd Aerndsz op een £ t'sjaers
geleghen in de Augustinen camp in de erven daer Jacop Willemsz een bet huus op staende heeft, naeste
Willaem Paedzen hoeve. Actum in camera, te niete.

22. Int jaer vorschreven op Sinte Elisabethsdach zwoer Human Jacopnsz, meter te wesen van coern in camera.

23. Int jaer vorsz. des anderen dages na Elisabeth, verborchde Engelbrecht Hugensz, Aernd Aerntsz op een £ s'jaers
gelegen opten hille in der erve daer Seger Damaesz een huus op staende heeft.

24. Item Sonnendage na Elisabeth int jaer vorsz. quam voer scepenen in de camer Martinus Hola, lombardier ende verghiede
dat hi ontfangen heeft van de kercmis 20 nobelen van Sinte Jansdage te midsomer lestleden tot behoef eens
mans wonende te Volvoerden die si jaerlix hem sculdich sijn ende hier af geloofde hi die kercmis scadeloes te hoduen.

Mijn dank is groot. Hier heb ik zeker wat aan.

Gr.

Leo