een akte uit 1460. wie kan deze corrigeren en/of aanvullen ?

Ic Zweder heer toe Voerst ende toe Keppel ende to Almelloe als een leenheer
etcetera doe kunt allen lueden myt dessen apenen breve dat
voir mij ende voir mijnen beleende manne van lene hyr na bescreven
gekamen is Johan Splynter anders geheyten Kosenkamp
ende hefft opgedraghen ende avergegeven als hie myt rechte
solde in mijne handt als in sijns leen heren handt dat alinge
erve ende ghuet geheyten Rosingk mytten tenden groff
ende small soe dat myt allen sijnen toe behoeren ende myt
aller sleth ter mit nyet uyt to scheyden gelegen is inden
kerspel van Rijssen ende in der buerschap van Elsen.
Doe dat geschiet was soe hebbe ick Zweder heer to Voerst
ende to Keppel ende to Almelloe bij den selven beleende mannen    
voir mij ende voir mijnen nakomellingen dat erve to Rosing
mytten tenden groff ende small soe dat myt water myt
weyde myt torve ende myt weghe ende myt alle sijnre sleth tot
nut bynnen ende buten nyet uytgescheyden gelegen is inden
vorg. s kerspell ende buerschap verliet en beleent,
verlie ende belene myt dessen selven breve Goessen Johans
soene anders geheyten ter Avest ende sijne erffgenaemen

toe yenen stichtes lene ende to stichtes rechte der greveschap van Almello dair

mij Goessen vorg. van gedaen hefft als een man van lene
sijnen leenheren schuldich is te doene wat weholdelick
mij als een leenheer mijns rechtes ende elker mallick des sijns.

Sonder all argelist hyr weren aver ende als manne van
lene des gestichtes van Utrecht Ab Oirkonde des

Arent van Wervoerde   Dirck Splytoloff

Rene

wederom bedankt, de afkortingen die toen gebruikt werden kunnen de vertaling moeilijk maken