Item noch zal men maecke 2 taye greene roede
met bequaeme bocht insonderheit de binne roet
de roede dick 14 breet 16 duim en 14 voet int midde
haeren volle dickte en dan twe per porsie verdelt
van voore afgewerckt om de moolen te borde, de
borde van doorgesaghde vijfqerties plancke, de borde
lanck en breet nae den ais, de hecke van
goede taye doorgesaghde zperre, lanck nae den
ais, met ider ent 1 soome, welverstaende dat de
zluiten van de borde voort met zijn behoorlicke
wiggen en klampe de roede wel zlachtich geboort
tot meesters prijs.
Item het bovenwiel groot int kruis te meete
10 voet daer int wercke 52 kamme van drooch
mispele hout.
De 4 arme van bovenwiel zullen zwaer sijn ider
dick 7, breet 16 duim, lanck nae den ais, de plooie
dick 5, breet 11 duim, in 6 om en geen meer, dit
verschreve wiel zal men een goede stutvanck maecke
van goet drooch wilgen hout, de vanck dick en
breet nae den ais vant wiel, de leede wel
stijf gesloote, dat men de moolen daermeede dwingen
ende regeren kan met een behoorlick vanckbalck en
klampe, alles nae den ais vant werck, maer
zoo daer noch hout is aen de ouwe vanck dat
bequaem is, zal men dat gebruicke.
Item het boven zchijfloop van goet drooch ipen hout,
de plate dick 6 duim, ider plaet met twee
hoepe gebonden, daerin zal men wercke 25 stave
van drooch mispelen hout, de stave lanck 2 voet.
Het onder zchijfloop meede van goedt drooch iepen
hout, de plate dick 6 duim, de plate met hoepen
vast gebonde, daerin zal men wercken 21 staven
van drooch mispelen hout, lanck twee voet.
Item het onderwiel groot int kruis nae de
streeckel te meeten 16½ voet, daerin zal men wercke
79 kamme van trije, elck berkoene de kamme
van baide wiels wat door steckende van vorn
achteren te nagelen, voort de kamme altemael
wel geschroot als de wiels reecht gehangen zijn.
Stan de Jongh
zei op zondag 1 augustus 2021 - 14:13