Duitse brief aan koninklijk gezant

Tweede deel

Derde deel

Vierde deel, los bijbehorend

Bij deze mijn transcriptie. Enkele woorden kon ik niet lezen. Het zijn o.a. de eigennamen op bladzijde 4. De tekst is zeker niet foutloos, maar als je het vertaald krijgt, zal alles hopelijk duidelijk worden. De man was trouwens gevestigd in Antorff, een oude benamingen voor Antwerpen.

 

 

Meynen gantz willigen dienst zuvorn, Erentfester
Hochgeachten gunstiger lieber Her und frundt, daß eß
S(einer) H(ocheyt) wol ghat, und deroselbigen Frauwen und erben
(wie ich von meynem Swegerheren verstanden haben)
iß myr von hertzen lieb, Ich sampt meyner Liebe
haußfrauwen seindt auch zymlich wol zu paß
dem heren sey lob, Großgunstiger lieber her, ich habe
e(uer) l(iebe) in Augusto letstleden geschryben durch eynen
sylberschmyde Cornelis van Doert genant. Aberst
so ich verstaen ist derselbige in Dennemarcken mit
Helise dem Harnaschmacher gefangen, und in die
brieven meldungh gethaen, wie ich die Sylberschmydden
Petern den Gewaltig und Cornelis Verweyden
mit recht haben thun ansprechen, aber besorge nichts
vyl nutzbarlichs auszurichten, den eß ist so ich verstaen
daß meystethayl von silber versleuwt und verbrast.
Der Gewaltig sagt daß ehr vyl stucken zu schiff
ahn die maiestat nach Schwedenreich gesant hatt.
Sed procurator non credit, gibt fur, daß sy vyl unkosten
gethaen haben, und vyl geltz in die patronen verspelt
kan man auch die ansprach nicht wol gerichtlich
furgeben, man moeß fur außweßen, wie vyl
silbers eynem ieglichen zugestellet ist, der eyn sagt
wie der ander mehr und weniger entfangen haben.
Mehr derhalben wol notig daß man die Recepisse auß
der Konigliche Maiestatlichen sylber kamer mogte erlangen, und
dieselbige fur die nase ryben, und also si non in ære
saltem in corpore mogten gestraffet werden einen
anderen zum exempel und spigel, den est vyl
ehrlichen leuthen hertzlich laydt ist, daß die loben
so schimplich besonder mit eynen solchen großen Kunig
gehandelt haben, und kunnen sich nyt verwonderen

–----------------------------------------------------------------------------

daß man solchen loeßen leuthen, so großen glaube zu

gestalt hatt, und alsolchen quantiteyt von sylber laißen

folgen, kan auch nicht glauben daß man Ihnen

solt ohn burgschafft solche hoghe somme besonder in

sylber vertraut haben, so dar einighe Fidiussores

wehren in Schwedenreich iß meynn nach daß man

die alda, und diße alhie samptlichen und besonderlich

anspraechther wie eher wie beßer, damit die Maiestat

zu einiger bezalungh gerathen mogten, sulchs bitt

ich e(uer) l(iebe) wollen der Maiestat meynen gnedigsten heren

zu gelegner zyt angeben.

Vilgunstiger lieber her und frundt meyn frundtlichs

gelangen ist zu e(uer) l(iebe), dieweil ich nu etzliche Jharen

in diße Niderlanden gelegen haben, und dero Maiestat

villerley diensten geleyst, Die fursten und

Heren, auch die furnembsten Stetten und Ihre

Raets verwandten in diße Niderlanden in guther

neygungh zu der Maiestat gebracht und erhalten, ich

geswige wes ich den underthanen der Maiestat die

meyner mit hulff, gelt, raet und that zu thun gehabt

in diße farlichen zeythen erzeygen haben, daß ich dafur

eynige ergetzung mogt erlangen, und mir mittel

gegeben worden lenger zu dienen, wie ich geneigt byn

Irer Maiestat und kaynen anderen potentaten die tagh

meins lebens zu dienen, Wolte derhalben wol

frundtlich begeren e(uer) l(iebe) wollen daß besten thuen

und ein Mediator seyn, daß meyn bestellungh mogt

erneuwet werden, besehen offt euwer lyefften by

ter Maiestat in gelde solt moghen erhalten funffhondert

... Jarlicher pensionen, und zur Kleyderen

montkasten fur mich und meyne diener funff

bast roggen und so vyl maltz, dafuhr wil ich Ire

–---------------------------------------------------------------------------------------------------

Maiestat getreulich dienen, und solchen keuersael

geben, wie myr sol mogen van Ihrer Maiestat

furgeschlagen werden, den eß wirdt doch die Maiestat

moeßen eynen alhie in diße Niderlanden haben

der Ihrer Maiestat saichen verwaltet, So e(uer) l(iebe)

hirinnen daß beste thun werden, wil ich iegen e(uer) l(iebe)

solches die zyt meyns Lebens mit allem mynem

vermogen gehen verschulden, Daß kenne

Gott dem ich e(uer) l(iebe) sampt Frauwen und Kinderen

wol befholen haben, Ilentz Antorff den 4 Marty

Im Jhar thausent funffhondert sechs unnd

sechsichstenn

E(uer) L(ieber)

dienstwilligher

jederzeyt

Arnolt

Rosenberger

–-----------------------------------------------------------------------------------

 

Großgunstigher lieber her, Ich haben durch den ehrlichen

gesellen jubilerer Anthonio Behagel eyn schriffthor kocher

myt etzlichen Instrumentlen E(uer) L(iebe) zu eyne gedenckmiß

gesanden. Bytten E(uer) L(iebe) wollen eyn kleynerst nicht von eynen

armen gesellen verschmaden, das zetz mehr dan die geringh

gaben ansehen auch meiner gedencken zum besten inder

ehrneuverungh meiner besoldungh, da von ich der Maiestat

meinem aller gnadigstlich ... geschriben haben. Ich wyl

mich in aller danckbarheyt widerumb bey E(uer) L(iebe) fynden

laissen und sonst thun waß E(uer) L(iebe) wirdt gefeligh seyn.

Wilt die guthe hern Muster Martinum ... Marthen

Petrum ... zur hulffe nehmen und die saichen

mytthelen, waß E(uer) L(iebe) samptlich und sonderlich,

hirinnen thun werden wyl ich zu grosseren danck

annehmen und dasselbig zu jederzeyt nach meynem

vermoghen verschulden daß kenne Gott Almechtigh

der E(uer) L(iebe) wol in gesontheyt sparen Anno datu

ut supra per me Arnolden Rosenberg Agrippinum

 

 

Hartelijk dank, Andreas, voor de inspanningen! Helpt mij weer erg op weg.

 

Groeten,

Elsa