dorpsreglement lith -4

van den vier gesworen een pont ten prijse van vijf stuvers brabants

het pont sonder daeraff gratie off remissie te verbeyden.

Ordineren oyck ende setten dat off gebuereden eenich ondersaet off geërffde

tot beteringe van den graven, gemeynlijck heymgraven off schauwe-

graven genoempt, henne stellen te graven ende dieghene die landt

off erfven liggen hadden alrenaest bij t'lant desghens die daer

groeve off dede graven henne weygeerde mede te graeven nae-

dyen hij daertoe ware tamelijck versocht, in dien ghevalle sal

onse schoutet bij raede ende advys van den gesworen andere

beqwaeme persoenen bestellen, denselven hennen arbeyt ende den

gesworen henne vacatien ende termijne betaelen, des zal die opposant

ter oirsaeken van zijnder ongehoirsaemheyt onsen schoutet schuldich

sijn te verrichten noch eens soeveel als hij voer arbeyt ende termijnen

betaelt ende verleet zal hebben.

In allen deesen dengen ende puncten sal onse meyer off schoutet off zijn

stadthelder ende met hem die vier gesworen haer schauwen hierop

leggen ende voeren in sulcken vuegen ende manieren als die

hemelraede binnen den dopren boven ende beneden en alrenaest gelegen

gebruyckelijck sijn te doen.

Welverstaende onse opinie off meyninghe nyet te zijn dat die

gesworen die vigeur off cracht van deeser ordinantien henne seelen

eenichsins moeghen ondeweynden van den maesdijcke, maer

willen ende gebieden dieselve te blijven onder die bewaernisse ende

sorge der schepenen ende den gerechts van Lytte.

Om t'selve bequaemelijck te useren seelen die wethouwers off

schepenen van Lytte uuyt haers eedts gehouden zijn henne te

laeten veynden in tijts bij den heer die de schauwen die in de kercke

seelen wordden geleyt in sulcken getaele van persoonen, te weten

ten minsten vier, dat zij sterck genoch ende gequalifieert werden

bevonden vonnissen ende recht te administreren in sulcken vuege

ende broecke gelijck die hemelraeden ter naesten dorpen boven

ende benden doen schauwen.

/

Item dat oyck die voersz. schepenen sullen schuldich ende gehouden zijn, dat

soe wannier die voersz. schauwe bij den heer onder de voersz. kercke van

Lytte geleyt is ende daer geluydt is, soo recht is, ende met den schoutet

te compareren op derselver schauwe opte pene van twee oude schilden

ende die te beheren in twee deelen, dat een deel den heere ende dat andere

deel den armen van Lytte, den schult geëstimeert ten prijse van

30 stuvers brabants.

Item voirts soe willen wij ende verbieden insen voersz, gesworen dat zij

nyet en seelen presumeren of henluyden onderwinden eenighe copositien

off quijtscheldinghen te maeken off onderwyenden die van eenighe

weerden seelen sijn, sonder den heer, den schoutet off zijnen stathouwer

hen daerinne te consenteren ende toe te laeten.

Voirt meer en selen die gesworen als haer jaer ten eynde ende uuyt is,

int voersz. officie nyet langer blijven off daertoe weder aengenoemen

wordden, ten waere dat sulcx gebuerden uuyt groote uuytblijckende

nootsaeke daervan dat ons in tijts sal moeten blijcken omme daerop te

versien als wij bij raede bevinden soo een proffijtelijck ende orbaerlijck

te wesen.

Allen anderen saeken statuyten ende ordonnantien bij onsen voirsaeten tot

gemeynre welvaert geordoneert ende gestatueert, ende deesen

ordinantien ende statuyten nyet contrariende bevelen ende gebieden

wij dieselve in waerden gehouden te wordden op verbuertenisse

der penen daerinne gestatueert, laetende dieselve in haer

cracht ende viguere, sonder eenighe variatie off veranderinge

daerinne te doene.

Willen oyck ende statueren dat allen ende een yeghelijcken ondersaet

sal schuldich zijn te brengen voor die wethouwers van Lytte

ten behoirlijcke daeghe, als bij denselven daertoe geprefigeert,

sal wordden sulcken wijn, bier, olye en de koerenmaten als

hij in zijnen huyse is gebruyckende, om bij die voersz. wethouders

gevisiteert ende gerecht te wordden gehoert, waerbij die

arme, schamele onderdanen bij onrechtige maete nyet gedefraudeert

off bedroeghen en wordden, ende dat op die pene van drye

oude schilden, die te vebeuren ende te betaelen, die twee