dorpsreglement lith-3

Tot dyen sal een yegelijck, hebbende lant off erfve binnen den lymiten onser

voersz. heerlicheyt gelegen, ongehouden sijn sulcke part ende deel als die

gesworen op hem setten seelen om die voersz. straeten, steghen ende

andere wercken dye men totter gemeyndere welvaert sal doen

maecken tot haerluyden ordonnantie bij hemselven off bij anderen

tot zijnder costen maeken off te doen maeken ende bewaeren in die

gruete ende in die steden daer die gesworen sulck deel hem

rechtelijck bewesen ende op hem geset sullen hebben.

Welck aendeel naedyen die voersz. gesworen seelen eene yegelijcken

naer die qualiteyt van zijnen goyen ende erffven hen sellen geset

ende bevolen hebben, sal soedanich ondersaet off geërffde gehouden

zijn sulcke aenpaert sonder oppositie off weygeringhe te betaelen,

ende ingevalle van oppsitie sal onse schoutet, ter tijt wesende,

sodanighen geërffden, hij zij ingesetene off buytenman, ten

versueck van den gesworen sonder dilay off vertreck daertoe

constringeren ende dwingen zijn aenpaert te betaelen ende daertoe

alles te doen wes die gesworen soo rechtelijck geset ende

gesteelt seelen hebben.

Daerenboven sal een yegelijck lant off erfve hebbende binnen de

palen ende lymiten gelegen oyck gehouden zijn sijn

aendeel van coste ende teringhe die geschieden seelen in der reparatie

van den voersz. straeten, stegen ende dyergelijcke wercken

totten gemeyne welvaert ende vruchtbaerheyt des gemeynen

lants te maeken sulcke aenpaert te betaelen ende te gelden,

sonder hem daertegen te opponeeren off rebel te maeken.

Ende off gebuerden dat eenich persoen, het waere ingesetenen

off buytenman, eenighe swaricheyt maeckten off rebelleerde

te betaelen des hem bij den gesworen waer bevolen ende

geordineert gheweest, in dyen cas willen wij ende statueren

dat ons officier off schoutet alsulck ghelt als daertoe

zal bevonden wordden van nooden te zijne, verlegghen ende

verschieten sal op dobbel ghelt wederom te recouvreren van den-

ghenen die hem in deesen ongehoirsaem off rebel beweesen

hebben.

/

Oyck en sal die maekelaer den proprietarys off erffman het landt

nyet moegen overlaeten sonder consent ende wete van onsen officier

ende indyen sulckx gebuerden, sal nyettemin die proprietarys

schuldich ende gehouden sijn onse officier het teghenghelt te

betaelen.

Seelen oyck die voersz. gesworen volcomen macht ende aucthoriteyt

hebben te doen maeken ende repareren die voersz. straeten, stegen,

dijecken, slusyen etc. ende andere wercken tenderende totte

gemeynen welvaert, soe deck ende menichmael als hem

achtervolgenden haeren gedaenden eedt beduncken sal

orboirlijck ende proffijtelijck te wesen.

Willen oyck ende staturen dat van allen penen ende amende

die procederen off verschijnen seelen bij gebreck off versumensse

van den saeken voer gementioneert off enich vandyen, onsen schoutet,

ter tijt wesende, ter causen van sijne officie hebben ende behalden

zal twee deel ende die gesworen voer haeren arbeyt ende

moetenisse dat mader derden deel.

Welcke penen off amenden te statueren ende die taxatie daeraff,

hebben wij volcomelijck ghelaeten ende gestelt ter rechtelijcker

taxatien ende goeder discretien van den gesworen, dieselve

hiermede lastende haeren eedt ende conscientie hyerinne

alsoe te quijtene, dat nyemandt gheen wettyghe redenen

off oersaeke en hebbe hemme des te beclaeghen.

Ende opdat die gesworen haer officie des te vredelijcker

ende raffelijcker soude moeghen exerceren, soe statueren

wij dat off geviele dat yemant, wy dat ware, een gesworen int

gemeyn off eenich van hun particulierlijck in die exercitie van

haer officie injurieerden off weygerden te voleren des zij in

haer officie aldus wij voer rechtelijck geordinieert ende bevolen

hadden, willen wij dat deselve den gesworen hij geinjurieert

off nyet geobedieert en sal hebben, sal schuldich zijn te gelden

onsen schoutet vier pont payments ende eenen yegelijcken