Overslaan en naar de inhoud gaan

Forum

dorpsreglement Lith

tweede blad

Reacties (1)

Geert Ouweneel zei op do, 03/03/2022 - 12:12

officier genoempt ende gestelt seelen wordden, ende omme tot die-
selve twee gezworen noch twee anderen te vueghen sal die gemeynte
sesse off acht mannen van den eerlijcksten ende beqwaemsten
onsen meyeur off schoutet ende den schepenen presenteren, uuyt
welcken getalle van persoenen alsoe gepresenteert, sal onse
schouter off sijne substituyt met advys ende raedt der schepenen
twee persoenen ontfangen, sulcke als hij meynt die besten en
orbaerlijckste te weesen, ende zal dieselve institueren.

Welcke vier gesworen in tijde van haer institutie ende voer-
dat henne van eenighen saeken seelen moeghen onderwynden off
exerceren, dat tot sulcken offcie behoirt, seelen gehouden zijn in
handen van onsen meyeur off schoutet ende in tegenwordicheyt
ten minsten van twee schepenen bij haeren eede ten heyligen te
sweren, der voorsz. kercken van Sinte Lambrechts insgelijcke
der heeren van den capittel aldaer ende den ingesetene van
Lytte getrouwe te wesene, ende dat zij hen wel ende
gerechtelijck in haer officie hebben ende draeghen seelen,
daerenboven dat zij gheen jurisdictie ende uytrichtinghe van rechte
ten schade off hynder der kercken ende der heeren hen aentrecken
en seelen, maer henne daerinne alsoe bethoenen ende gedragen
als bij forme van deesen ordinantien wordt gestatueert.

Te wetene seelen die voersz. vier gezworen auchtoriteit, commissie ende
macht hebben, dyen wij oyck gheven ende verleenen bij deesen, over
allen ingesetenen van Lytte, insgelijcken over t'landt binnen den
limiten ende palen onser heerlicheyt Lytte gelegen, soo veel
als de reparatie van straeten, stegen, dijcken, sluysen etc.
competeert ende aengaet eenen ygegelijcken ernstelijcken te
gebieden op sekere penen hiernae vercleert, binnen der kercke
van Lytte daeraff te doen publiceren, dat zij ten behoirlijcken ende
beqwaemen tijde, als bij den voerschreven gesworen sal wordden
geordineert, haere straeten, steghen, dijcken, sluysen etc.
restaureren, repareren ende opmaekcn off te doen bij anderen restaureren
off opmaken.

In vuegen dat off die gemeyn welvaert off noot waren heyschende
dat men eenich landt off erfve binnen den voorsz. onsen dorp geleghen /
hebben moesten om die voersz. straeten off steghen, dijecken, sluysen
off eenich vandyen tot vruchtbaerheyt ende ter tuylinghen der
gemeynre welvaert te maecken, dat alsdan ende in dyen cas die voersz.
gesworen aucthoriteyt ende macht seelen hebben soedanich landt in de
rechtveerdicheyt te estimeren ende te schatten ten juysten prijse als
andere bijliggende erfven nae gemennen lantcoop souden vercocht
moegen wordden, van welcken prijse zij gesworen den proprietarys
van sulcken lande daervan uytrichtinghe ende betaelinghe seelen
doen, ende daerenboven noch ghenen in gereyen penningen een derden deel
van der sommen capitaele aleer zij soodanich lant totter gemeynder
welvaert seelen moeghen employeren.

Dat gedaen ende nyet eer seelen die gesworen soedanich landt behouden
ende t'selve totten gemeynre welvaert doen employeren ende convertere,
sonder dat eenighe persoonen van wat conditie, qualiteyt off
staet hij waere, hem in deesen sal moegen rebel off weygerlijck
maeken.

Seelen oyck die gezworen auchtoriteyt ende macht hebben den ondersaten
te bevelen dat zij die stegen ende straeten met heckens ende
tuynen doorheynen ende stellen, in sulcker vuegen op dat die
gemeyne beesten, comende uuyt onsen dorp Lytte, ghenen schade
en doen beneden in den velde, statuerende tot dyen alsulcke
penen ende amenden als hun beduncken sal van nooden te wesen.

Oyck seelen die voersz. vier gesworen moegen schouwen in naem
der gemeynder welvaert allen straeten, stegen, binnendijcke,
sluysen, zijlen, graven, tuynen ende heckens binnen den voersz.
onsen dorp, ten schaden gelegen om dieselve te bekerenen ende
te converterede totten welvaert ende vruchtbaerheyt van der
gemeynten als t'selve henne orbaerlijckxste ende proffijtelijckxste
beduncken zal.

Ende om t'selve te batten effect te stellen, verbyeden wij dat
nyemant anders, wy dat hij zij of onder wat tytel off coleur sulcx
soude mogen geschieden, hem en presumeere die voersz. straete,
stegen ende anderen inde voersz. articel gementioneert tot
hem off tot zijnen erfven te appliceren off hem daervan eenichsins
te onderwinden, off een particulier proffijt daervan te
trecken op die penen hierbeneden gestatueert.

Reageer op dit bericht

De inhoud van dit veld is privé en zal niet openbaar worden gemaakt.
Slechts één bestand.
10 MB limiet.
Toegestane types: png gif jpg jpeg.