Allen den ghenen die desen brief sellen zien of horen lesen, doe ic Daem van Scadewijc cond ende kenlic
dat ic ghehuert hebbe jeghens den lantcommenduer ende den ghemenen convente van den duytschen
huse t'Utrecht een bouwinge ghelegen te Houten die Snoy Willams soen van hem in huer-
waren plach te hebben ende hout an veel stucken elftenhalven merghen lands, luttel min of
meer, zestien jaer lanc, elx jaers om elve ende vranorrixe? scilde goet van goude ende zwaer-
van gewicht of payment daer voer daer men die oude scilde om copen macht t'Utrecht in der
wissel ende om vierthien hoenre, die een helft mit den hoenren te betalen op den Korssavont
ende die ander helft op den Paeschavondt of binnen vierthien daghen na elken termijn ombegre-
pen. In kennissen der waerheyt, want ic selve ghenen zeghel en hebbe, soe hebbe ic ghebeden
Gheryt van Scadewijc dat hij desen biref over mij wille bezeghelen, ende ic Gheryt voirsz. hebbe om
bede wille Daems voirghenoemt desen brief bezeghelt met minen zeghele. Ghegheven int jaer ons Heeren
dusent driehondert seven ende tneghentich des dinxdaghes na Onser Vrouwen dach te Lichtmisse.
James S.
zei op donderdag 23 april 2020 - 00:32