Cornelis Aert Lambrechtszone van Dongen als man ende mombaer Kathelynen
sue uxoris dochter wilneer* Henrick Jacop Coremans bij den selven Jacoppen
ende uuyt wilneer Kathelynen sua uxor dochter wilneer Wouter Ghijsbrechtsz
ende wilneer Kathelynen sijnder huysfrouwen tsamen verweckt voer hem
selven, ende Lambrecht zone wilneer Lambrecht Maessen als gecoren mombaer ende Cor-
nelis zone wilneer Gherit Cudden als gecoren toesiender ut dicebant** van Ja-
coppen ende Cornelisen gebrudederen onmundige kynderen wilneer Henrick Jacop
Coremans voergemelt daer sij Lambrecht ende Cornelis mombaer ende toesiender
voers. voer gestaen ende geloeft hebben, die helft hen toebehorende
in een halven mud roggen erffelicks pachts welck halff mud roggen
erffelickks pachts voers. Wouter van haren gevest ende als principael schulder
geloeft hadde te geven ende te gelden Kathelynen wedue
ende wijf wilneer Wouter Ghijsbrechts voergemelt te vergelden alle jaer
op Onser Liever Vrouwen dach Purificatio*** uuyt ende van enen stuck
erffenis metter temmerengen daer op staende gelegen inde prochien van
Goerle tusschen erffenis Dierck Berijs kynder metter eenre sijden, ende
tusschen persoens erffenis metter ander sijden, ut patet in literis de Tilborch****
ende welcke helft vanden halve mud roggen erffpachts den kynderen wilneer
Henrick Jacop Coremans voers. aencomen ende verstorven was van wilneer
Henricken voers. hunnen vader, ende Henricken aencomen ende verstorven was van sijnen
ouders ut dicebant*, supplicaverunt***** Jannen zone wilneer Henrick Gheritssz van Gorp
tot behoeff Claeusen zone wilneer Gherit He#nrick Gheritssz van Gorp sijns
neven, simul cum dictis literis et jure****** etcetera tsamen oick met
twee achterstellinge pachten vander helft voers., met affgaen etcetera. Et
promiserunt******* Cornelis Lambrecht ende Cornelis elck inden naem als boven super
se et bona sua******** etcetera dit overgeven opdragen affgaen ende vertijden voers.
altijt vast ende stendich te houden etcetera, ende allen commer ende calaingien van
hunre ende der kkynder wilneer Henrick Jacop Coremans voers. wegen daer
op comende altemael aff etcetera. Datum den XVIen july. Scabini ut supra.
* wilneer = wijlen
** ut dicebant = zoals men zegt
*** Onser Liever Vrouwen dach Purificatio = Maria-Lichtmis, 2 februari
**** ut patet in literis de Tilborch = zoals berust in de brieven van Tilburg
***** supplicaverunt = zij hebben verzocht
****** simul cum dictis literis et jure = overeenkomstig met de genoemde brieven en het recht
******* promiserunt = hebben beloofd
******** super se et bona sua = over hen en hun goederen
Niels Koreman
zei op woensdag 25 september 2024 - 13:32