Gunstighe Heer ende Vriendt, ick sende U Edele met brengher
van desen, de boucken die ick langher bij mij behouden heb
dan na tbehoiren, meynende die self ghebrocht te hebben,
maer alsoo mijn comst tot Leyden wat langher anliep heb se
met een seker bode geschickt. Ic soude U Edele mijn
goetduncken scrijven op sommighe punten der selver, maer
vermoedende of ander oeffening U Edele misschien niet toe
en liete sulcx te lesen, hebben dat ghelaten ter tijt toe ick
te Leyden comme. Anders niet dan U Edele bedanckende
vande vrientschap mij daer in ghedaen, ende mij an der gelijcke
verbonden houdende, sal U Edele God bevelen. Uyt Delft
desen 7en van Ougst 1593.
U Edeler dienstwillige vrient
Simon Stevin.
Guido Vanden Berghe
zei op woensdag, 19 maart 2025 - 17:34