Aan de jegenwoirdelicken affveerdighen jonckeren Charles van Boisot
omme te ghaen aner Waterlandt ende aldaer sekere nootelicke ende
wichtighe affairen metten Waterlantsche steden te handelen volgens
d instructie bij zijne Ex(cellenti)e de voorsz. Boisot daerop gedepescheert.
Ende begevende sijn(en) Ex(cellenti)e ende de staten voorsz. eenighen vertrouwden
ende experten persoon tot sijnder assistentie te vuegen soe ist dat de
selve sijne Ex(cellenti)e metten staeten, om die goede kennisse die sij hebben
van den persoon van Frederick Ottenss burger tot Delft hen gestelt en(de)
geordonneert hebben stellen ende ordonneren bij desen omme metten voorsz.
here van Boisot te reysen near Waterlandt ende den selven aldaer
met raedt ende daet bij te staen in al tgene tot welvaren van den selven
Lande wordt dienende soe wel den crijchshandel te water ende oick
te lande als der politie alsaer aengaende. Ende volgens
tgene de bovengen(oemde) instructive is vermeldende ordonnerende en(de)
bevelende daeromme sijn(en) Ex(cellenti)e ende de staeten allen ende eenen
iegelicken gouvern(eu)rs capiteynen justicieren officieren wethouderen
ende allen anderen dient aengaen sal den voorsz. here van Boisot
ende Fredericlk Ottenss in al tgene heuren last ende bevel aengaet
alle gehoirsaemheyt te bethonen voirderinghe hulpe ende bijstant te
doen soe als sij tot welvaren van heuren vadersland ende van heur
selven sullen bevinden behoirende. Des toirconen heft sijne Ex(cellenti)e
metten staeten van dese Lande dit ondergeteeckent ende here
zegelen daer beneffens lateen drucken. In placate. Gegeven tot Delft
den XXIIIIen martii 1573.
Paul Buitenhuis
zei op maandag 19 mei 2025 - 12:34