Enkele aanvullingen, nog wat vraagtekens blijven over
Wij Denijs Groetaert Hejndrick zone ende Cornelis Geeretssone
Vander Vloet manen oirconden ende kennen dat voor on
comen es Cornelis wijlen andries Wouter [Ennekens?] zone
volcommen macht hebbende van den ghemeijnen erfgenaemen
van wijlen Kerstijnen Servaes van Lancschot dochter des
selfs Cornelis wettighe moije kende ende lijde dat dat hij wel
ende wettelick vercocht heeft om een somme ghelts die hem volle
ende al betaelt is gedane Gheerets Conincx zone ende zijnen
naecommelinghen een erfstede met huijse schuere ho-
ve ende toebehoirten ende metten erve daer aen ligghende
houdende t'saemene onder lant enen grootte xii lopensaet
luttel min ofte meer oft alsoo groot ende cleijne als
die gestaen ende geleghen is tsundert teijnden in de
caterstraet ende also kerstijn voorseijd die te besetten plach
nu aen de ackerstraet commende vuten veltstraete noirt
waerts, des persoens van Groot zundert ende jans geris
Weerds zoens erfgenaemen .. oostwaerts, Jan Peeter
b*tels ende Mouwen wijlen Geerets Wout Willems dochter
erve zuijdwaerts, ende de caterstraet voorseijd westwaert
tot vooren ende tot waer de voerseijde eestede metten toebehoorten
met eenen zester rogge erfpacht ende recht daar bovens ende
vii hoender erfcheijns op hoeren rechten erfpacht daerbij ende
erfcheijns daer schuldich zijnde voir vut te gaen ende
met noch vijff sesteren rogh erfpacht die de erfghenaemenvan wijlen Margriete Servaes van lanschot voorseijd
dochter daer op bleven hebben ende heffnen van hove
....... van wijlen Kerstijnen voirseijd daer op jaerlijcx ende erffelijcx noch hebben
ende houdende zijn, van welcken vijf zesteren rogge erfpacht
eenen[vi mud?] derneffens van dien Jan Gheerits Conincx zone
voirseijd gelost ende ghequijtet heeft, de verlijte(?) drie
gedeelten aen de drie closten der voirseijde erfghenaemen te
wetene aen de erfgenaemen van wijlen Gielis ende Willemeijn Servaes
zonen van Lancschot ende van selven des selven Servaes dochter
alsoo dat de voirseijde Jan geerets conincx zone vanden vijff
zesten rogge erfpacht voirseijd met maent schulden ...
vut te wercken ende te betaelen vuten voirseijde erfsteden
daer vijff viertelen rogge erfpachts den rechten
erfgenamen van wijlen Margrieten Servaes voirseijde dochter
als de vierde closte der erfgenaemen voirseijd gevest anno
xvC xxiii xix ....
Hans Van Landschoot
zei op zaterdag 8 oktober 2022 - 21:06