Een poging:
Ick Johan van Brempt nu ter tijt amptman tho Batenbourch, tho Loir ende tho Horsschen, tuge avermyts desen apenen brief dat voir mij ind /
voir gerichts luyden nabescreven comen sint Gijsbert Weda?, Derick Henrick Hoits gebruders ind joffer Haidwich Gent, Marry Gertruyt Koen ind /
xxx Hoits gebruders inde susteren ind hebben gegiet, belijtt ind bekant voir ons ind voir hoir erven dat sij van gueder bekander /
witliker schult schuldich sint Johan die Jeger ind sinen erven dartich golden enckel gulden voir welike dartich gulden voirsz. sij /
jairlix ind alle jair geven ind betalen sollen Johan die Jeger ind sinen erven twe derselver gulden voirsz. mitter horen sementlike /
erve ind guede geheiten den hoff tho Flideren gelegen in den kerspel van Loir int hoge int lege int dyep ind int droge so hij in den /
kerspel voirsz. gelegen is daer die irste taeldach af wesen sal op Sinte Jacops dach dess helligen appostel als men schrift dusent vijff /
hondert ind sestin ind so voirt alle jaer op Sinte Jacops dach voirsz. ind oft saick wer dat die talinge nyet en geschide opten dach /
voirsz. dair ydt voir sij, so mach Johan voirsz. of sine erven peinden of doen peinden mytten amptman in der tijt tho BatenBourch an den voirsz. /
onderpand ind mytten gepeinde pande voirt tho varen als recht is sonder argelist hyer waren myt mij amptman voirsz. mer ind an als /
gerechts luyden in den kerspel van Loir Gerit van Plees ind Gijsbat dye Best oirkunde de waerhat so heb ick amptman voirsz. mijn segel /
an desen brief gehangen in den jaer ons Heren dusent vijfhondert ind viftin op Sinte Pantholiems dach.
HW de Kleijn
zei op vrijdag 16 oktober 2020 - 12:47