Bladzijde uit akteboek 1403-1425

Beste Leo,

Deze afbeelding is te klein (ook bij vergroten) om goed te kunnen lezen. En gaat het om de hele pagina, of ben je naar iets specifieks op zoek?

Hier is een goede scan van deze tekst: Archief Dordrecht, toegang 1, inv. nr. 13 nr. 10

Dank je wel. Het gaat om blz. 7v, op deze bladzijde moet een akte staan over de Hoppensteiger.

Ik heb de3 hele bladzijde gedaan. De Hoppensteiger wordt in twee artikelen genoemd.

82. Int jaer vorsz. swoensdage na beloken Paesschen calengierde Danels heren Willemsz van Willems weghe van Brederode heer van Steyn 
als van hem ghemachticht mit enen scepenebrieve tot sinen  wederseggen sulken coep van den oert ende twee merghen lants 
gelegen in Kijfhoec welke oert Aernd van Ryede gecoft heeft tegens  Aernd Gillis Kuntsz.

83. In jaer vorsz. sdonredage na beloken Paesschen geloofde Pieter Jan Alskensz ende Jan Thonisz die backer 
van Mary Thonus Hijmansz dochter weghen, waert sake dat men den brieve van den coep van den stenen huse
onder den Appelmarct vonde die Thonus cofte tegens Jan metten Uust ende daer Jan van Amen in
woende in sinen leste lijve, soe soud men die selven brieve van die coep of die opdracht die Jan
van Naerssen heren Henricxz opgedragen heeft Gheryt Koensz ende Mary Borne elx een helft van enen brieve
sprekende op Jan metten Uust van 66 vlaemse noebelen een van beiden die brieven dan te niete doen.

84. Int jaer ende opten dach vorsz. calengierde Meeus heren Noydenz sulc lant ende coepe als Gheldolf Haec
vercoft mach hebben van gueden die sijn zwagher Dirc Jansz toe plaghen te behoren in sijns lesten liven
dit dede hi mit enen brieve van vier pond hollants ende drie cappoenen sjaers.

85. Item ter selver tijt calenghierde hi sulc recht ende schieringen als Wouter Negelaer mitten jaergedinge
ghevordert heeft op Alaert Sydolfsz Hijns opten Riedijc dit dede hi  mit scepenen brieve.

86. Int jaer vorsz. sdinsdage na beloken Paeschen quamen in der camer voer scepenen Everaet Blankert ende
Jan Blankert en verwilcoerden hem dat die twist ende quetsuere niet verjaren en sal
die Wouter Blankert hoer broeder ghewesen momber sinen zwagher gedaen heeft al en waert dat
Wouter Blankert binnen jaers binnen der stede niet en quame voert waert dat Wouter Blankert
t'eynden jaers binnen der stede quame ende woude hemselven hier of quijt dinghen soe souden dan
Everaet ende Jan staen in denselven schijn daer Wouter hoer brueder nu
binnen jaers in staet ten ware of hi ghewesen mombers ghemoede ende s'heren hier of hadde sonder argelist.

87. Int jaer vorsz. t'saterdage 19 dage in Aprille wart bevolen hier in te teykenen desen nageschreven placaet die houdende
Aelbrecht bi Goids genaden palensgrave opten rinshertoge in Beyeren, grave van Hengouwen, van  Hollant, van Zeelant ende heere
van Vrieslant, laeten u weten onsen getrouwene scout, borgmeesters, scepenen ende rade van Dordrecht dat wi onse consent
daertoe ghedaen hebben dat die vrouwe van Dijssel u medepoirtster worden mach ende wonen daer hoer
ghenoecht waer om wi aen u begheren dat ghi hoir sonder vertrect ane nemet tot uwer medepoirtster
ende des niet en laet, in orconde desen brieve ende onsen segel hier op gedruct ghegeven
int jaer ons heren anno 1404.

88. Int jaer vorsz. 22 dagen in Aprille worden Jan de Canets brieve van Camerike in sijnre machten gewijst
mit vollen vonnes tegens Jacop Bute die wive heeft Filips wedue van Beveren als van sulken schieringen
ende recht als hij ghewonnen ende ghevordert heeft op Roelant Jansz Hijns bij den Hoppen steiger ende sinen
tuun after in Tollenbrugstraet zoe hi binnen jaers mit recht gesproken heeft eer Jacop But vorsz. mit sinen
jaergedinge in den vorschreven guede verjaert was ende dat Jan die Canets brieve ende recht daer om voer ghaen sullen
voer Jacop Buts etc. ende sijn brieve als etc. is na den etc. van der stede,

89. Int jaer vorsz. 23 dagen in Aprille keerde Jan Aelbertsz sulke pande als Jan Scoenhont Aerntsz gepant
heeft van der joufrouwen weghen van den Lecke van thijns op tien merghen lants gelegen in Leyerambacht die
dede hi mit enen scpenenbrieve van coep van den lande vorschreven dat hi meende vrij wesen soude.

90. Int jaer vorsz. op Sinte Mateus avont Evangelist worden Jan Jansz brieve die havercoeper in hore macht gewijst
van enen halven huse dat hi tegens Roelant Jansz gecoft heeft, staende bij den Hoppen stegher tegens Jacop But
die te wive heeft Filips wedue van Beveren, mits dat sijn brieven ouder waren dan Jacop Buts brieven des soude Jan Jansz
sinen brieven van den coep starken dattet een gerechtich brieve ware ende ongheveynst ende niemant tsijnen t'ontbeerse
twelcke Jan Jansz aldaer dede voer scepenen ende zwoer ten heiligen als vorschrevens taet.

Top dit zocht ik. Mijn dank is zeer groot.

Gr. Leo