Betreft een vonnis uit 1545

Opten twintichsten dach in Aprili anno XVC vijff ende veertich compareerden
voir die van de gerechte in der camerey van Dordredcht, aldair collegialiter
vergadert zijnde, de deeckens van den wantsniders, eysschers ter eenre,
en de deeckens van den ouden cleercoepers verwers ter andere zijden,
versueckende assistentie en bijstant van den verwers int waecken, alzoe
haer de waecke te swaer was, dairtegen de verwers seyden dat zijluyden
in cleyne getalen waren ende veel schamele gesellen waren die haer selffs
waecken van twee off drie gulden bewaren ende om gelt selffs waken
mosten, alzoe dat tzelve hemluyden nyet doenlick en was, werdt bij
die van de gerechte der camerey van Dordrecht voerseyt verclaert
dat de verwers waken zullen als sijluyden tot noch toe gedaen hebben
ende dat de wantsniders haer deeckens omloeper ende andere onvrije van
haer stallen wegen die geen giltbroeders en zijn mede sullen waecken.
Mij present
Jac. W. Vries