Jan de Wit tollenaer van Spaarndam betaelt
de somme van negen ponden negen scellingen
zes pennignen over ... ende dat in betalinge
van de helft van 18 £ 19 scellingen enen penning bij hem
verleyt ende verschoten, eensdeels ter
begeerte ende versoucke van den burgermeesteren
int uuytmaken ende toereeden van een
enerschip mit twee schuyten twintich
gesellen dairup mit vier victaillie dat zij
medenamen ende anders die hij gesonden
heeft opten 2en Septembris anno dertich
bij den Bilredam ende dairomtrent om aen
te halen deghene die mit schuyten dair
deur varen naer Amsterdam ende alsoe
defrauderen dem thol ende die duervaert
duer Haerlem voorsz., ende was mitten voorsz.
tollenaer voorsproken dat soe wes costen
hieromme gedaen worden, soude dese stede /
d'een helft betaelen ende die voorsz. tollenaer
d'ander helft, ende alsoe die voorsz. costen
bedragen hebben boven die consistacie
van een tonne harincx die gegonden heeft
2 £ 6 stuvers doe dairof getogen is, die voorsz.
18 £ 19 stuvers 1en penning alst blijct bij zijn quitancie
inhoudende declaracie ende specificacie van den-
selven oncosten, dairom hier voor die
helft van dieselve somme alst blijct bij die
sevle quitancie mit ordonnancie daironder
van burgemeestersn daironder gescreven,
die men hier overlevert die voorsz. somme van 9 £ 9 stuvers 6 penningen.
Ralph van der Lans
zei op donderdag 1 februari 2024 - 17:36