Item beleent Johan Hoevinck tot behoeff der overen
van Wesepe den alvigen thienden toe Wesepe groff
ende small in den kerspel van Zwelen gelegen, mit
voerwaerden wanneer Johan voirscreven aflivich
wordt soe zullen die voirscreven bueren binnen jaere
ende dage daernae mijnen geneden heere ende zijnre geneden
nacomelingen bisscoppen t'Utrecht een ander man
die een dienstman es setten in zijn stede de voorsz.
thienden te ontfangen tot behouff der gemeenre
bueren voirscreven met een gestichts heergewade, ende
waer't saecke dat zij daer gheenen dienstman toe
te setten en hadden, dan zoe moegen zij eenen vrijen
man uuyt der burescap van Wesepe voirscreven dairtoe
vuegen, den sal mijn geneden heere ende zijnre geneden nacomelingh
dan dienstrecht geven ende tot eenen dienstman maken
ende ontfangen ende hem die voirscreven thienden belenen tot
behouff der bueren voirscreven ende dan te verheergewaden
mit dubbelder heergewade, ende dese punten voirscreven
sal men alens holden tot ewigen dagen toe, soe dick-
ende menichwerve een man van den leene voirscreven aflivich
es geworden, presentibus Ernst van Yssendoorn
van Steeckenbosch, Johannes Wichove. Actum to Vollenhoe
7en Juny anno '18.
Fokko Kuipers
zei op woensdag 10 december 2025 - 09:29