Akte van 22-01-1522

Ik kan niet alles garanderen, maar ik denk dat het volgende de inhoud is:

Halmah Meeus, quamen Henric Godert Henricx zone, als man ende voight
ende in den name van Dingne Henric Pegersdochter, wedue was wijlen Anthoi
Seng, nu ter tijt des voirsz, Henricx huysfrou die hij Verninck ende Cornelis Henric Seegersz
als oom ende toesienre van des voirsz. wijlen Anthoni Seng wittige kinderen,
die hij alle hierinne oic geloofde te vervangen ende Verninck kenden ende lijden dat
mr. Anthonis van Wint? canonick te Breda met zijne gereeden penningen bij
hem vol ende al betaelt zijnde, henluyden met name als voir wel en wettelic
gelost ende afgequijt heeft zekre zess rijnsgulden t'stuc tot veertich groten
vlaems erfchijns die de wedue ende kynderen van wijlen Anthoni Seng voirgenoemt
jairlicx heffende waren op des voirsz. mr. Anthonis huysingen ende erffenisse staende
tot Breda in de Steenbergstraet die voirtijts meester Jan Wyesz toebehoirt
hebben uut ende in mindernisse van zekere thien rijnsgulden erfchijns die men
heffende was na uutwijsen eens schepen briefs van Breda dair af zijnde gemaect van
daten int jair anno 15 ende 16 zevenentwintich dage in Meert van
welcke thien rijnsgulden erfchijns voirsz. d'andere vyer rijnsgulden erfchijns lang te
voren oic gelost ende afgequijt zijnde, alsoo de voirsz. Henric Godert Henricxz
ende Cornelis Henric  Pegers zone in den name als voir opelic bekennen
ende dezelve Henric ende Cornelis in den zekren name als voir bedancken hen
goeder lossinge ende goeder voldoeninge van den lospenningen der voirsz. zess leste
erfchijns ende dit van den anderen vyer rijnsgulden erfchijns sceldende dair af quijt den voirsz.
mr. Anthonis vailliant ende zijnen man ende alle andere des quitantie behoevende
geloovende oic mede de voirsz. Henric ende Cornelis op hen ende op honne geen
de voirsz. zess rijnsgulden erfchijns de voirsz. mr. Antonis te garanderen ende dairaf
altijt scadeloos ende lasteloos te houden tegens eenen yegelijcken, belovende de wedue
ende erfgenamen van Anthoni Seng voirgenomt alsulcke actie als zij hebben oft hebben
mogen opte goeden ende erfgenamen van wijlen mr. Jan Wycxz voirgenoemt
van den verloopen chijnsen der voirsz. zess rijnsgulden. Actum anno 1522 28e
dach in Januari.