Niet alles kunnen lezen, maar dit maakt wellicht al wat duidelijk:
In nomine Deus, Amen. Bij desen jegenwoirdigen openbaeren
instyrumente zij condt ende kenlyck eenen yegelijcken die dese letteren zelen
sien off hoiren lesen, hoe dat indt jair van der geboorten ons Heeren, als men
screef duysent vijfhondert ende vierentwintich, in der thiensten
indictien ende opten thiensten dach der maendt van Junio, ...
ons alre heylichste vaders in Gode ende heden Clementis bij der God-
lijcken genaede de sevenste paeus van dyen name in zijnen tweesten jair,
compareerde voir mij notaris openbaer ende den getuygen naeghenoempt
hiertoe gheroepen ende sunderlingh gebeden, in zijnen properen persone eersame,
wijse ende voirsienige man Dierics Jansse, scipper van Arremuyen
in Zeelant, principale principalijck van hem zelven, dewelcke aldair
bekende ende berlyde uut zijnen vrijen eyghenen wille ende wetende dat hij
omme eene somme van ghelde die hem all ende wel vergouden is alzoe
hij seyde wel ende wittelijcke vercocht heeft een creveel? scip met
allen zijnen toebehoirten soe dat te deser tijdt toegereet leeght in de
haven van de stadt van Antwerpen, genaemt het Patrijs alzoe
dat die voirn. Dierics voir hem ende zijne nacomelingen tvoorn. creveel?
scip met allen zijnen toebehoirten renuntieerde ende hem ... dat
overgaf ende transporteerde met allen den rechte dat hij daerinne
ende ane hadde ende houdende was, bekennende dat hij egheene rechte
meer dairane en behielt, maickende ende constituerende den voirgenoemde
Gert Janssen tselve scip met allen zijnen toebehoirten van nu voirtane
te hebben te vuoren te ghebruycken, te besitten ende daermede zijnen
vrijen eyghenen wille te doene nae zijnre belieften ende tot
meerdere securiteyt van de voirn. ... soe gheloefde dezelve
Dierics Jansz vercooper bij zijnre trouwen ende mannen waerheyt
in handen van mij notaris openbaer ondergescreven dit stipulerende ende
ontfangende in den name ende tot behoef van den voirn. Dierics ...
als boven present ende allen ander dient aengaeta, aengaen mach ofte
aengaen sal in toecomende tijden tvoorn. scip met allen zijnen toe-
behoorten in allen haeren wateren ende plassen dair dat naemaels sal
moghen arriveren ende liggen vrij ende vranck te ... ende dat
jeghens allen personen die dairop eenighe actie, recht
off gesach souden willen off moeghen heysschen off pretenderen
tsijnen coste ende laste in rechte te verantworden ende te ...
hiertoe verbindende ende ypothecerende dezelve Dierics hem zelven
ende allen zijne goeden, roerende ende onroerende, jegenwoordige ende
toecomende, wair ende tot wat plaetssen die gelegen zijn off bevonden
zouden moeghen worden, in vaste ende breede forme van rechte,
renuntierende hieromme ende verthyende de voirn. Dierics vercooper alle
exceptieen van verdraghe, statuten, privilegien ende rechten daermede
hij hem ter contrarien van desen enicsins in toecomende tijden soude
moeghen behelpen ende besundere den rechte seggende dat generale
renuntiatie van gheenre waerden en is tenzij dat sprake ende
extrajudicale renuntiatie voirgaet, wairaf de voirn. Pieter Welzer
begheerde hyervan mij notaris openbaer enen gescrifte gemaeict ...
Jan
zei op maandag 17 februari 2020 - 18:24