Akte uit 1499-1502 Ulvenhout

Dirck Godertsz van den Corput ende Wouter van den Corput, scepenen in Ghilse, quam Peter
Jan Peter Willemssone, heeft vercoft Peteren Jan Petersz van Holten die huysinge
ende erffenissen met hueren toebehoirten metten erven daeraen liggende houdende een buynder lants, oft also
groot ende cleyn al se gestaen ende gelegen sijn tot Ghilse in de byestrate neven s'heeren vroente,
oestwaert, westwaert ende noortwaert suytwaert neven Jan Jans Cantersz erve, te vrijen met
heeren chijnse met drientwintich lopensaet rogs erfpachts ende met elf lopen rogs erfpachts daer erflic
uutgaende, ende dat se mede pant bliven sullen gevest. Actum ut supra.  

Ydem scabini scepenen in Ghilse ende Dyrck ende Wouter voirsz. scepenen 
in den ouden hof tot Ghilsequam, Peter Jan Peter Willemsz, heeft vercoft Mechtelt Jan Wierick Freesz
dochter elf lopen rogs t'sjaers erfpacht, goet ende custbaer, d'anderen jairlix ende erflix
bynnen Breda op Lichtmisse, uut ende op sijn huysinge ende erffenisse met hueren toebehoirten
ende uuten erve daeraen liggende, houdende een buynder lants, oft alsoe groot ende cleyn alse gestaen ende
gelegen sijn tot Ghilse in de byestrate, neven s'heeren vroent oestwaert, westwaert ende noortwaert
ende suytwaert neven Jan Jansz Cantersz erve, te vrijen metten erfpacht voirsz. ende met drientwintich
lopen rogs erfpacht ende met heeren chijnse daer erflic voir uutgaende, ende datse mede pande bliven
sullen dair se met recht schuldich sijn medepande af te sine, ende om der voirsz. Mechtelden
hueren erfpacht voirsz. te bat te versteken soe heeft haer Peter voirsz. te bijpande geset twee
lopensaet erf lants oft alsoe groot ende cleyn al se gelegen sijn tot Ghilse in de acker in den
ouden hoff aldaer neven Jan Adriaensz erve suytwaert ende Heinrick Lambrecht Stoopsz erve
noortwaert, te vrijen met eenen viertel rogs erfpacht, daer erflic voir uutgaende gevest. Actum ut supra.
Alsoe verre als wij wijsers sijn.

Wouter van den Corput ende Heinrick Lambrechts Stoopsz, scepenen in Ghilse,
quam Marie Godert Naes dochter met hueren voigt,
heeft vercoft Janne Willem Canterssen een stuck lants geheyten Betkens Brake, houdende twee lopensaet
lants, oft also groot ende cleyn alst gelegen is tot Ghilse in de acker neven de goede van de Maze suytwaert
ende den gemeyne wech noortwaert ende Peter Stijnen erven westwaert, te vrijen met alsulcken heeren
chijnse als daer schulden is uut te gaen gevest. Actum ut supra.

Jan Aertszone ende Mathijs de Valck, scepenen in Ghinneken, quam Peter Jans Meusz ende
heeft uutgegaen Cornelis sijnen zoon die huysinge. schuere, houngen ende
erffenisse met hueren toebehoirten metten erven dairaen liggende, houdende een buynder lants, oft also
groot ende cleyn alse gestaen ende gelegen sijn tot Ulvenhout onder de beecke neven Mathijs Jan Meusz erve
op d'een side ende Margriet Jan Jorisz huyssvrouwen erve op d'andere side, streckende oestwaert opte beeck,
item noch een stuck lants gelegen Heynkens Hoff, houdende thien lopensaet lants gelegen oic aldaer neven
Joos Heys erve suytwaert ende Meeus Lemmensz erve noortwaert, item noch een stuck lants genaemt Den  Groten Acker,
houdende seven lopensaet met noch eenen halven buynder weyden daeraen gelegen genaemt den Vorst Lant oft
also groot ende cleyn alst t'samen gelegen is tot Ulvenhout neven Gerit de Wege erve suytwaert ende
noortwaert neven Mathijs Jan Meusz erve, item noch een stuxken lants genaemt Den Gheer, houdende twee
lopensaet lants, gelegen oic aldaer neven Meeus Lemmensz erve oistwaert ende noortwaert neven t'stuck lants genaemt Den Groten
Acker, item noch een stuck heyvelts met twee stucken weyden daeraen gelegen, houdende derdalf buynder
lants, oft also groot ende cleyn alse gelegen sijn, oic aldair tot Ulvenhout neven de marck westwaert ende
Jan Peterssen erve suytwaert, om vijf zeste rogs t'sjaers erfpacht goet ende custbaer d'anderen jairlix ende erflix bynnen
Breda op Lichtmisse, te vrijen metten erfpacht voirscreven ende met twee sesten rogs erfpacht ende met seven gulden
acht stuvers erflic die onse heer van Nassauw daer jairlix op heffende is met twee lopen rogs erfpacht met
twee lopen rogs erfpacht met vijf lopen rogs erfpacht ende met heeren chijnse daer erflic voir uutgaende, ende
dat se medepande bliven, behoudelic altoes eenen yegelijken sijn erfwege ende erfwater laten daerover te
gebruycken recht met vorwairden dat Cornelis voirsz. ende sijn nacomers altoes lossen ende afquiten sullen mogen

Wat ongelooflijk mooi weer. Ontzettend bedankt. Jouw hulp is van zo'n enorme waarde!