Wy, Gherijt ten Haeve ind Guedelle mijne echte huesfrou doen kont dat ** alsoe onse erve ** guete geheijten toe
Enxsijnck mijt alle sijnen *chten tobehoregheijden, gelegen in den kerspell van Marckloe ind in den burscapp to Boezeberghe
ertijtz verleden endevijffmarck leen was des edelen ende vermogenden joncheren Otto[1], heren to Bronchorst ind to Borcloe
zeliger gedachten etc. welcke vursz. joncher Otto dat vursz. erve to Enxsijnck van sodaner vurs. herijcheijden dede
vrijen ind gaff dat tot enen vrijen edelen eghenen guede, soe bekennen wij, Gherijt ind Guedelle vursz., overmijtz
desen selven breve voir ons onse erven ind onerven dat wij mijt onsen vrijen moetwijllen ind gueden voirlei*de
dat vursz. erve to Enxsijck ind dairto cnen stucke lantz ombegrepen den hoff to Enxsijnck mijt sijnen tobehor ok in den vurs. kerspell
gelegen als wij dat gekoft heben van den raetlueden des vurs. kerspels **s dat beslegen ys van den Marcke to Stockem ind oick
dairto eyn hues mijt enen gairden mijt sijnen tobehoregheijden oick in den vursz. kerspell ind burschap to Stockem belege
oick vrijgehedell eijgen guederen was dat welcke vursz. erve lant, hues ind gairden mijt alle ** aelden ind ** certen
tobehoreogheijden hebben gegeven ind geven vermijtz desen selven breve tot enen Zutphenschen pondijgen leene den edelen ind
vermogenden jonchere Gijsberten[2] heren toe Bronchorst ind tot Borcloe etc. sijnen erven ind nakomelingen ind mede *
laven wij der vursz. gijfften alsoe den vursz. joncheren Gijsberthen sijnen erven ind nakomeijgen te staen ind te waeren ind
guede ewijge warschapp t’doen voir onsselven onsse erven ind onerven ind voirt voir alle deghene de des toe
rechten komen wijllen, zoe ducken ind vaicken des noet ind t’doen ys sonder all arghlist. In oirkonde des toe tuge
der wairheijt soe heb ick Gherijt then Haeve vursz. mijnen segell voir mij ind Guedelle mijne huesfrou vursz. ind
onssen twie erven ind onerven onder an desen breeff gehangen. Datum anno Domini MoCCCCLXXX primo upten naesten
manendach nae Sijmonis et Jude apostolorum[3]
Anton Vedders
zei op donderdag 13 juni 2024 - 16:48