Rombout Perchaal, wijlen Jans sone, heeft vercocht aen jouffrou
Johanna van Hooff, dochter wijlen joncheer Rooberts van Hooff, 25 carolus
gulden jaerlijcks ende erffelijcke rente, elcken gulden vandien tot veertich grooten
vlaems gelts gerekent, vrij ende exempt van alle thiende, twintichste,
veertichste, hondertste, mindere off meerdere penninghen ende voorts van alle
andere lasten ende impositien, alreede gestelt en in toecomende
tijden alnoch te stellen, losbaer den penninck sesthien ende met het volle
jaer verloops, te heffens altijt opten 22 May, wairaff d'ierste
jaer van betaelinghe vallen ende verschijnen sal den 22en May
1620, op ende aen eene huysinghe metten ganghe dairachter
eenen hove gronde ende toebehoerten, gestaen ende geleghen in de
Aedegheemstraet alohier bij de Aedegheemplaetse tusschen
der weduwe ende kynderen wijlen Jans van Maldere erve ter eendre
ende Willen Peeters, cleermaecke ter andere zijden, comende
achter jegens d'erve van den huyse den eeckelboom A.Dominus M.
waervan op nyet ende sonder last van chijse off commere dairvoor
uytgaende.
Mr. Michiel Ellewouts heeft bekent dat Anna van den
Hove, weduwe wijlen Jans van Maldere ende her Passchier van den Hove
met Guillaume van Maldere, als testamentelijcke momboirs van der
voorn. Anna vier minderjarige kinderen, dair vader aff was /
vH
zei op donderdag 26 oktober 2023 - 11:13