2/6

arbiters ende goede mannen in desen indifferentelijcken
ende in neutraliteyt gecoren ende genomineert,
gevende sij compromittenten respective oversulckx
deseve arbiters ende goede mannen volcomen macht,
authoriteyt ende speciael bevel omme in ende over alle de
voorsz. questien, differenten, actien ende pretensien
t'ondersoecken, examineren, vinden daerop t'ordoneren,
arbitreren ende deselve volcomelijcken te dirigeren,
sulcx als sijlieden naer rechte ende billicheyt sullen bevinden te behooren ende bij
soo verre sijlieden met den anderen niet wel en conden
verdraghen tot henlieden selffs ofte in cas van discordt
dienaengaende tusschen henlieden, alsdan bijde heeren
schepenen deser voorsz. stede te kiesen (malcanderen
daeromme specielae macht gevende omme t'selve
te versoecken) te moghhen assumeren ende nemen
soodanighen onpartijdighen suparbiter ofte derden
man, t'zij rechtsgeleerden, coopman ofte andersints
als sijlieden goet sullen vinden, gelijck sijlieden oock in
cas van groote difficulteyten, moeylijcke verschillen
ofte disputen tot haerder meerdere gerusticheyt tot costen
van parthijen sullen mogen consuleren ende advys
nemen van soedanighe rechtsgeleerden als sijlieden
goet achten ende vinden sullen, ende soo verre yemand
van de voorsz. goede mannen voor de finale decisie ende
affdoeninghe van de saecke, t'welck Godt verhoede,
quame te overlijden ofte door langhdurige sieckte, voyagie
ende hoedaenige andere wettige continueele impedimenten
ende obstacelen daertoe niet en soude connen
vaceren, soo sullen partijen voorsz, in eerste alle
van de voorsz. gevallen enen anderen goede man
in desselffs plaetse mogen kiesen, ofte in cas van
dicoord sal't door de gemelte heerem schepenen
gelijck verhaelt moeten geschieden, d'welcken
soo geacht, gereputeert ende gehouden sal wesen
alsoff hij van ersten aen in desen gecooren ende genomineert
was, ende sullen parthijne voorsz.

Ontzettend bedankt!