Op huyden den sessentwintichsten Marty 1641 heb ik J. van ... , notaris, ten versoecke
van de ondergenoemde coopluyden mij vervoeght in herberhe De Graeff van
Burg, alwaer was gecomen den persoon van Goddert Bijl, schipper van
Haerbergen ende alsoo denselven tot twee maelen niet huys was aen de waer-
dinne ofte vrouw ten huyse geinsinueert t'gene naer volgt, ende hen overgelevert
en schriftelicke copye gelaeten:
Jan de Koocker ende heyndrick Albertsz viir
hun selven ende vanwegen de gemeyne
bevrachters van schuipper Govert Bijl, doen
antwoorden op de frivole insinuatie aen henluyden
op huyden vanwegen de voorsz. schipper gedaen,
dat in recompense van dat sijluyden (hoewel
ongehouden) den voorsz. schipper toegestaen
hebben dat hij acht lasten goets voor sijn eygen
soude mogen laden, hij schipper weder aen de
bevrachters belooft heeft dat hij d'selve goederen
sonder heurludyer consent nyet en soude mogen
vercopen, ende hoewel mitsdyen ten opsyen
van het interesse d'welcke sijluyden daerbij sijn hebbende,
nyet gehouden sijn aen den schipper te consenteren
dat hij sijne vijgen soude vercopen voor ende alleer
sijluyden alle haerluyder vijgen sullen hebben vercocht,
dat nochtans sijluyden geinsinueerdes den schipper
hebben gedaen verscheyden overvloedige presentatien,
daertoe sijluyden nochtans nyet gehouden waren,
onder anderen dat men den schipper soo veel voor
sijne vijgen wilde geven als sijluyden voor haerluyder
eygen vijgen konden maecken, item van sijne vijgen
neffens de hare gelijck te vercopen ende dat men
de cooppenningen pro rata soude deylen, welcke
presentatien nochtans hij belyeft heeft aff te
slaen, soodat sijluyden insinueerders oock nyet en
verstaen daerin langer gehouden te sijn, maer
dat hij behoort te wachten totdat sijluyden insinueerders
heurluyder vijgen sullen hebben vercocht, wesende
mitsdyen frivool dat hij insinuant voorstelt
dat hij met het vercopen van sijne vijgen nyet
Aad de Vries
zei op zondag 23 augustus 2026 - 18:49