1614 Joost van Bruessel

..en pagina 2..

En hetzelfde voor deze tekst: zou iemand nog zin en tijd hebben om hiernaar te kijken?

Hartelijke groet, Sanne

Joost, sone wijlen Peeters van Bruessel ende

Aerdt, sone wijlen Henricx Rutten, beyde wonende

tot Mierloo, hebben mits desen wittelijc ende erffelijc

onverscheyden ende een voer al vercoft Henricken,

sone wijlen Jans Janssoen van Brughen creemerie

eenen jairlijcken ende erffelijcken chijns van seven

carolus gulden, elcke gulden tot twintich stuvers

te rekenen, ofte de werde daervoor in anderen

goeden gancbaren gelde, te betalen alle jaire erffelijck

den tweentwintichsten dach der maent van Meye,

ende voir den iersten termijn van betalinge den

tweentwintichtsen dach der maent van Meye

anno XVIC ende vijfftien, ende in Shertogenbosche,

vrij van allen hertochs beden, vijfde, tiende, twintichste,

honderste ende allen anderen meerderen ende minderen

penningen, commerem ende lasten, gewoinelijcke,

ongewoinelijcke, ingestelt ende namaels ingestelt

te worden, egeene lasten uutgesceyden, te leveren

ende te vergelden van ende uut huys, erve, hoff ende

arckerlant daeraen liggende, vijff lopensaten lants

off dairontrent tesamen begrijpende, gelegen in de

parochie van Mierlo ter plaetse genompt Loeswijck,

dit voirsz. onderpant toebehoorende Joost Peeterssen

voirn., tussen ene Jans Henrix Dirixssen ex uno

ende tussen ene Jans Peeters ende ene Willem Geertissen

met somige anderen ex alio, streckende van de

gemeyn Loeswijcksche strate tot aen erffenisse

Peeters Goyaertssen, item van ende uut huys ende

erve, schuer, henne gronden, hoff ende drieclant

daeraen liggende twee lopenstaten lants oft

dairontrent begrijpende, des voorsz. Aerts vercoopere

gelegen de parochie van Mierlo voorn. ter

plaetse genoempt Aert Kestken tussen ene

Lijntken Daniels, wesende eene wedue ex uno

ende tussen ene heer Pauwels, priestere, sone Aerts

van Heeck ex alio, streckende met eenen scerpen geer-

hoeck aen de gemeyn straet, ende alnoch van ende

uut een stuc ackerlants twe lopensaten ofte

dairontrent begrijpende, oic des voirsz. Aerts vercoopere

gelegen in de voirsz. parochie van Mierlo, ter /

plaetse genoempt Op Heemonder Hout, tussen

ene Jans Sanders, scepen tot Mierlo aen

d'een sijde ende aen d'een eynde ende tussen ene Dirix

Peeterssen ex alio ende streckende met d'ander eynde

aen de gemeyn strate, soo sij verclaerden, ab eodem

emptorets et effestinando, gelovende de

voern. vercooperen [stukje Latijn]

uutgenomen twe ende een halven gulden jairlix in

den ouden gewoinen gelt des dorps van Mierlo voirsz.

van ende uut den onderpant des voirsz. Joostens vercoper,

noch eenen chijns van drie gulden aen Roelant Jacopssen

Servaessen van Weert van ende uut den ierst voirsz.

onderpant des voirsz. Aerts vercoopere ende noch der-

tien ende eene halve stuvers jairlix uut den zelven

onderpant in den voirsz. ouden gewoinen

gelt des dorps voirn. te betalen, ende noch drie

stuvers min een oert in den heeren chijns tot Mierlo

van ende uut den lest voirsz. onderpant des voirsz.

Aerts vercoopere respective jairlix van

te voren ende van rechtswegen te vergelden, staende

soo sij vercliarden. Actum satisfacere, testes

Soermeren ende Verkimaen, daten den XXIIen May anno

XVIC ende veertien.

Ende sal de voirn. vercoopere desen voirsz. chijns van

seven carolus gulden ten allen tijden moeten lossen

ende quijten teffens ten eenenmale met de

somme van eenhondert carolus gulden, elcke gulden

tot twintich stuvers te rekenen ofte de werde

daervoor in sulcke anderen goeden gelde ende tot

sulcker valeur gelijck als t'gelt ten tijde deser

lossinge volgens t'placcaet van den hove

opt mit de permissie van der munten sal ganc-

ber sijn, et cum censu [stukje Latijn] gelijc de

voirsz. cooper dat exewlijck heeft bekent ende super aud

et ... den voirn. vercooperen wederomme heeft

gelooft, behoudelijc dat deselve vercooper den loss

een halff jair tevoren uutelijc sal vercondigen

ende opseggen, ... et datum ut supra.

[in het begin aan de rechterzijde:]

331 Henrick sone Jans Janssen

van Buegen heeft bekent

dat de vercooperen desen chijns

door Marten Meeussen aen

sijns Henricx handen in der

erffelicheyt

hebben affgelost

ende gequeten,

consenterende

alzoo in den cassatie

van desen. Actum

den XIIIen May

anno XVIC ende XXX

me teste

[ondertekening]

Goedemorgen Geert, 

Wat een werk, maar ook een schat aan informatie. 

Heel hartelijk bedankt hiervoor!!

Een hele fijne dag gewenst, vriendelijke groet, Sanne