1534 Marten van Bruessel borgtocht

Stel dat iemand nog zin en tijd heeft om deze tekst te bekijken, dan zou dat super zijn!

Onder voorbehoud:

Peeter soen Wilms Peeter refererende dat contrat A getekent tot ten eynde,
soe is gestaen voir sceepenen ondergescreven Marten zoen Wilms Martssen
van Brussel ende heft openbaerlijcke bekent ende als borghe sich onder
Hubren Goyaerden geloerft dat hij denselven van den voirsz. geloeften
voir Willem gedaen sal scadeloos ontheffen, alzoo dat Geartden ter causen vandien
gheenen commer en comme in eenighe tijden, alzoe verre die gueden van
Willem met recht niet sufficant gevonden en worden ende anders niet. Testes waert
et Berkel datum 18 Marty feria V post judua anno 34.

Een pagina voor de vorige akte staan er nog twee betreffende Peter Willems

folio 290v
Iets eerder staat er nog een:
Peter soen Wilme Willems Peterssen sijn hoeve, te weten huys, erve ende
hoff, ackerlant, seylant, weylant ende heyvelden met allen hueren rechten
ende toebhoirten, die hij liggende heeft in der prochien van Sint Oedenrode
ende is geheyten Willem Braken, gelijck se die voirsz. hoeve aldair liggende
heeft ende selver in sijnder toelderijen beseten heeft, allen ende enen yegelijcken
soe hij seegde heeft hij belaet ende verpacht in rechter verpachtinge
eenen tijt ende spane van acht jaeren, d'een den anderen sonder middelt volgende
Willemme zoen Henricx Hoeben van denselven Willemme te Pynxten naestcomende
aen te verden ende metten halven tijde aff te staen wyen dat belieft, ende
pertijen op moeten seggen goidts tijts voir allen heyligen als te Pyncxten
dairnae den halven tijt expireren sall, ende dat onder voirwaerden hier-
nae bescreven, in den iersten sall Willem Henricssen die huysinge onderhouden
in goeden gereke van dake ende wenden ende nerens ende dairop decken alle
jaeren suuver en goet deckstroo, den decker oeperen, den montcost geven
ende Peter sall die dachnemen loonen ende oft men dair meer reparacie
behoefden sall Peter die reetscap besorgen ende Willem die werckluden
den montcost geven ende oeperen ende Peter die dachnemen, item die laet
sall die landen van den hoeven onderhouden van wallen, heyninge, scauwen
ende andere geburelijcke rechten ende lasten, item die laet sall alle jaeren
geven ende betalen die grontchijnsen dair uuytgaende, gedragende elff stuvers
oft dair omtrent, opte chijnsdaigen soe dat behoert, noch een vat
roggen ende een vat garsten der kercken t'Oerschot in Rode noch twee
vaet ende een vierde van haveren den huyse te lair vonden heer van Keer-
bergen, item voirtaen sall Willem voirsz. den voirsz. Peter alle jaeren geven
thien quarten boteren te gaderen indien men ofte te sporitijt drie steen
vlas tot hekelens toe bereet, twee hondert eyer, acht smael hoender
alle jaeren op Sinte Marten dairaff d'ierste termijn sal sijn Sinte Marten
naestcomende, item noch sall die voirsz. Willem geven alle jaeren voir den oixt vier vaet /
spory saets, dairaff oick d'ierste termijn sall te oixt naestcomende,
item hiertoe sall die laet voirsz. alle jaeren op Lichtmisse geven ende
betaelen Peteren voirsz. seventhien mudden ende acht vaten roggen
Peelsche mate, ende aldaer tot Rode opte voirsz. hoeff te leveren
ende noch alle jaeren op Lichtmisse twintich karolus gulden van
twintich stuvers t'stuck, off die werde in gevalueerden gelde,
dairaff d'ierste termijn sal sijn Lichtmisse anno vijff ende
dartich, item noch zall die laet geven ende betaelen alle jaeren
op Sinte Marten een malder garsten, een malder boeckweyts
ende twee mudden hoppen, ende die te leveren metten boteren,
eyer, vlas ende hoenderen tot Nulant oft Ten Bosch dair Peteren believen
sall op Sinte Marten voirsz., item allen dat oeft dat op der
voirsz. hoeve wassen sall, dat sall halff toebehoeren Peteren
ende halff Willemen voirsz., item is oick voirwairt dat Peter dat
esthuys oft boer tot sijnen gebruyck reserveert ende sall
behouden, uuytgenomen dat Willem sijn hop daer op te est
sall moigen droegen, item alle beesten ende verwodinge
sullen wesen voir den laer alleen, behoudelic dat alle mets,
stroo ende ruwaer int affvaren opte hoeven wesende die laet
opter hoeven sall laten, ende dat oick die laet egeen hont
opter hoeven wassende en sall moigen affhouden, oft meten
oft gemeten meer dan him die verpachter sall bewijsen ende
oirloenen, welcke voirwairden ende conditien te onderhouden
ende te betalen, allet dat voirsz. is hebben die voirsz. Willem
zoon Henricx Hoeben, ende met hem Goyaerdt zoen Jan Kempssen
oipenbaerlijck bekent ende als sculdeners principael onversceyden
op hen ende allen hen gueden, nu hebbende ende namaels
vercrigende den voirsz. Peteren verpachter geloeft, getuygen waeren
hierover Berckel ende Wolff, datum 14 December.

folio 290v
Alsoe Peter zoen Wilme Willem Peterssen zijn hoeve etc. op verhalende
t'voirsz t'contract totten eynde, soe is gestaen voir scepenen hier-
onder geschreven, die voirsz. Willem ende heeft openbairlijck bekent
ende als sculdenaer principael sup dina et habendi den voirsz. Goyaerden
gelooft dat hij denselven van den voirsz. geloeften
huyden daighs voor hem gedaen scadeloos zall ontheffen ende
die voirsz. voirwairden alsoe onderhouden ende allet dat geloeft is
alsoe betalen dat ter causen vandien den voirsz. Goyaerden ende zijn
gueden geenen commer en come in einigen toecomenden tijden.
Testes datum supra.

Hallo Geert, 

Heel erg hartelijk bedankt voor de transcriptie!
Dat je nog twee teksten voor me hebt gevonden en getranscribeerd is wel echt 'above and beyond'!

Ontzettend bedankt!!

En een heel fijn weekend, hartelijke groet, Sanne

Alzoe Peter soen wilner Peeter ref[...] dat contrat A getekent totten eynde
toe [...] soe is gestaen voir scepenen ondergescreven Marten zoen wilner Maessen
van Brussel ende heff openbaerlijck bekent ende als borghe super omnia et
habenda Goyartden geloeeft dat hij den selven van den voirscreven geloeften [doorhalingen]
voir Willemen gedaen sal scadeloes ontheffen Alzoe dat Go[y]artden ter causen van dien
gheenen commer en comme in enighen tijden [doorhaling] alzoe [...] die gueeden van
Willemen met recht niet sufficient gevonden en worden ende anders niet. Testes Water
et Berkel, datum XVIII martii feria V post Judica anno XXXIIII.

Volgens Grotefend valt zondag Judica in 1534 op 22 maart, dus ergens klopt er iets niet.

N.B. wilner = wijlen

Goedemorgen Pauwel,

Heel erg bedankt voor de aanvullingen!

Een hele fijne zondag gewenst, hartelijke groet, Sanne