1502 (2 blz)

.. en pagina 2

Jan Aertssone, scepene in Ghinnicken quam Herman van Zelbach und lide dat
hij vercocht heeft Peteren Goderts sone van Ghilst alle dese huysinge ende
erfenissen hiernae bescreven, dats te weten, in den iersten die huysinge, schuere,
hovinge ende erffenisse met hueren toebehoirten, metten drie bogaerden, metten
vordelhoff ende met half der straten dair aen liggende, houdende t'samen vijff vierendel
buynders, luttel min oft meer, oft also groot ende cleyn alse gestaen ende gelegen
sijn ter Teteringen neven s'heeren strate opte suytside ende Jan van den Kyebooms
ende Henrick sijnder suster erve opte noortside ende westside, item noch een stuck
erfs met half der straten houdende een buynder, luttel min oft meer, oft alsoe groot
ende cleyn als gelegen is ter Teteringen, geheyten Den Nyeuwen Hoff, gelegen
neven des voirsz. Jans van den Kyeboom ende Henricken sijnder suster voirsz. erve
aen beyde siden, item noch een stuck weyde, geheyten t'Schoir, houdende
een buynder, luttel min ofte meer. oft alsoe groot ende cleyn alst gelegen is, oick
aldaer neven den voirsz. Jans ende sijnder suster erve op beyden siden ende op
d'een eynde, item noch een stuck lants ofte weyden, geheyten Die Wyeffendaelken
ende noch een stuck lants geheyten Den Grooten Acker ende noch een stuck lants
geheyten Den Hogen Muys al aeneen liggende, houdende t'samen vyer buynder
ende vijf lopensaet, oft alsoe groot ende cleyn alse gelegen sijn ter Teteringen neven
s'heeren strate opte suytside ende Jan van den Kyeboom ende Hendrick sijnder suster
erve op die oistside ende Margriet Vrancken dochter erfgenamen erve
van Dorst op die westside, item noch twee stucken weykens met halff
der straten, geheyten De Blockens ende Dircxdeken, houdende t'samen drie lopensaet,
luttel min oft meer, oft alsoe groot ende cleyn alse gelegen sijn neven Jan van den
Kyebooms ende Hendrick sijnder suster erve, op beyden siden, item noch een stuck
weyden, geheyten Den Snellen Beemdt, houdende een buynder, luttel min oft meer,
oft alsoe groot ende cleyn alst gelegen is, oic aldaer neven des voirsz. Jans van den
Kyebooms ende Hendrick sijnder suster erve opte noortside ende oistside, item noch een
stuck weyden, geheyten Den Leegen Muys, houdende anderhalf buynder
oft alsoe groot ende cleyn alst gelegen is, oic aldair neven der voirsz. Margrieten
erfgenamen erve op die westside ende Jan van den Kyeboom ende sijnder suster erve voirsz.
op die oistside, item noch een stuck weyden, geheyten Den Blick ende een stuck
heyvelts daieraen gelegen, houdenden t'samen vyerdalf buynder, luttel min oft meer,
oft alsoe groot ende cleyn alse gelegen sijn, oic aldair ter Teteringen neven s'heeren strate
ende Wouter van der Raicx erve op die oistzide ende suytside ende Aert Melis Smits
erve ende meer andere op die westzijde, item noch twee stucken lants bijeen
liggende, geheyten Den Grooten Epelenberch und Den Cleyne Epelenberch, houdende /
t'samen vijfthien lopensaet, oft alsoe groot ende cleyn alse gelegen sijn neven
Laureys Loeyers erve op die suytside ende Laureys Jan Daems soons erve
op die noortside, item noch een stuck erfs ende bosch, houdende een buynder, luttel
min oft meer, oft alsoe groot ende cleyn alst gelegen is neven Laureys Loeyers
erve op die oestside ende Severijn Wilbraex erve op die suytside ende Aert
Jan Woutersz erve ende meer andere op die westside, item noch drie buynder
beemden in de Vucht aen Maesdijck gelegen, luttel min oft meer, oft alsoe
groot ende cleyn alse gelegen sijn neven Jan Jorys erve opte suytside ende
Hendrick van Wijfliets erve op die noortside, item noch elftalf buynder
heyvelts. luttel min oft meer, oft alsoe groot ende cleyn alse gelegen sijn ter Teteringe
neven Wouter van der Raicx erve opte noortside en Jacop van den Kyebooms erve
ende meer andere op d'ander side, item noch een stuck heyvelts, geheyten Die
Galge Heyninge, houdende vyer buynder, luttel min oft meer, oft alsoe groot ende cleyn
alst gelegen is ter Tetereingen omtrent der galgen neven de vroente opte noortside
ende Cornelis Belgraerts erve ende meer andere op d'ander side, item noch een
stuck heylants, houdende vyer buynder, luttel min oft meer, oft alsoe groot ende cleyn
alst gelegen is neven Willem Michiel Daemsz zoon erve opte westside ende
Cornelis Belgraerts erve ende meer andere op die oistzijde, item noch
een stuck beemd, houdende een buynder, luttel min ofte meer, oft also groot ende
cleyn alst gelegen is aen de Ypelaerts neven heer meester Willem van Oistzeels pastorien
erve opte westside ende s'Huykgirfts erve van Breda op de oistside, streckende mette ene eynde an Belorebosch
ende mitten anderen eynde aen die Schouwaterlaet, item noch een half buynder beemd,
luttel min oft meer, oft alsoe groot ende cleyn alst gelegen is in de Ypelaick neven
Peter Wijten erfgenamen erve und andere op d'een side, ...,
te vrijen ende te waeren alle dese huysinghe, schuere, hovinge ende erffenisse und alle de
ander erven voirsz. met twelf sester achtalf lopense und een quart van eenen lopense rogh
erfpacht met twee reynderse gulden irfchijns met vierentwintich oude grooten erfchijns
met dertich stuivers erfchijns met vierentwintich oude grooten erfchijns met twee oude
grooten erfchijns, met acht hollanssche gulden erfchijns, met vijf schellinge ternoysen
erfchijns, met vyer stuivers erfchijns, met acht schellinge ende een grooten van eenen
schelling grote erfchijns payment met vive ende eenen halve schelling groote erfchijns payment
daer een coopman den anderen mede betalen mach, met seven rijnsgulden erfchijns
ende met heerem chijnse dair erflic al uutgaende, den houder die dat alle
dese voirsz. huysinge ende erffenisse voirsz. mede bij pant ende onderpant bliven sullen dese
met recht schulden sijn mede op bijpant ende onderpant af te sijne behouden altoes eenen yegel-
lijke sijn erfwege ende erfwaterlaten dair over te gebruycke die dair met recht schuldich sijn.
Gevest anno 1502 10 February alsoe verre als wij wijsers sijn.

Goedemorgen Geert, 

Wat een werk weer, maar wat een ontzettend waardevolle informatie..!

Heel hartelijk bedankt voor alle moeite en een hele fijne dag gewenst, 

Sanne