1495 Zundert - Kalmthout - Etten, Felix Archief Antwerpen

Jacob Jan Jacopssone ende Jan Gheertssone geseten tot Sundert voer
een clucht Peter Henricx tot Bergen opten Zoom, Peter Noijts tot
Calmpthout, Gelijn Adriaenssone tot Etten ende
Kathelijne Cloecx wedewe wilen Joos Zegers cum tutore tot Westdoerne
onder Wuestwesele geseten pro se et nomine van Katlinen Cloecx
Cornelis dochter wittigen wive Jan Gheertssone quos susceperunt oic
vore een clucht
Aert Peter Jans, Peter Goes, Magdalene Soetmonts Goessems
dochtere wedewe wilen Peter Faes cum tutore alle tot Calmphout
geseten pro se et nomine van Janne Soetmont ^susceperunt^ oic vore een clucht
Henrick Vanden Eijnde meerssenier oic vore een clucht, Jan
Cornelissone brouwer, Adriane Cornelis des voirseijde Jans zuster
met Jacope Thonissone eius marito et tutore ende Vranck Denijssone
pro se et nomine van allen hueren adherenten oic vore een clucht,
Kerstijne Reijns cum tutore, Andries Wouter Jannekens
Gielis  ende Willem Faes (van Lanschot) gebruederen ^allen^ tot Sundert geseten//


pro se et nomine van Kerstijnen Faes (van Lanschot) des voirsseijde Gielis ende Willems zuster
ende voorts van allen hueren adherenten quos susceperunt alle als
erfgenamen wilen Jans Van Eijnde des vleeschouwers, bekenden
hen volcomelic ende al vernueght gepaeyt gecontenteert ende wel
voldaen van Lijsbetten Puijts Peters dochtere des voirsseijde wilen Jans
wedewen, van allen ende ijegeliken goeden ende versterffenissen van
huijsen haven erven ende erfrenten ruerende ende onruerende quecumque
die hen ende elcken van hen vanden voirsseijde wilen Janne van
Eijnde toecomen bleven ende verstorven zijn, overmids dien
dat zij hem daer af van al tal duechdelike rekeninge bewijsinge
scheijdinge deijlinge ende goet bescheijt gedaen ende dat elck van
hen zijn paert ende gedeel vanden ruerende haefliken goeden
te hemwaerts heeft ende dat hem de selve wedewen vanden
onruerenden goeden ende renten met eenre sommen van penningen
die elck van hen daer af te henwaerts heeft uutgecocht ende voldaen
heeft uutgenomen dat zij noch bliven staende op huer recht
actie ende gedeel vanden huijse cum pertinentiis dair de voirs wilen
Jan uutgestorven is ende van welcken huijse de voirs wedewe
deen helft in tochten besettende is, dair mede zij wel content ende
te vreden waren. Quitaverunt Gelovende

Michel,

Van harte bedankt voor uw werk.