Keurboek 1562-1595

blz 2

Transcriptie met interpunctie en hoofdlettergebruik als in bron; de ij en y zijn getranscribeerd als ij waar dat tegenwoordig ook nog gebruikelijk zou zijn, anders als y

Dit sijn die kueren ende punten die die droechscheriers
binnen Dordrecht, malkanderen hebben ghelovet
te houden, alz guede Wittachtige mannen ende den
guede lude vander stede Wel believet

Item zoe en zalmen ghenen man ontfaen
Int gilde het en zall weesen poerter guet
knaeo ende van guede namen, ende van gueder
famen en(de) zall hebben des gilden gemoeden
bijden gemeenen gildebroeders nae 'tinhoudt deser
kueren die daer of gemaeckt zijn

Item zoe wat man dit ghilde begeerde
die sall een Jaer lanck teynden zijnen
eersten leerjaeren In knaepschappen scheeren
eer hij selver moeghen sall meestere
houden oft setten

Item voert zoe en zall gheen leerknaep
In dit gilde gelt winnen teynden
zijn twee leerJaeren hij en zall eerst
zijn leerprouve gedaen hebben alst
behoert optye boet voers(chreven)

Item en zall nyemant In dit gildt ontfanghen
worden, hij en zall eerst zijn meester prouff
gedaen hebben Om te bewijsen dat hij werckman
zij vanden ambocht alzoot behoort nae Inhoudt
Des gilden brief optye buet voers(chreven)

Item en zall gheen Man In dit ambocht des
morgens vroeger off des avonts laeter wercken
metter schaer dan daermen eenen ganckbaren
penninck opt wreck bekennen mach wantmen
bij avont en(de) bijder kaersse nyet wel guet wreck
gemaecken en kan, daer die goede gemeynte bij
bewaert mochte weesen, hier off zullen uuyt-
gescheyden weesen, heervaerts cleder bruylocht
cleder en(de) rouwe cleedere Ende dat d(er)an te
geschien bij oirloff en(de) weeten van den deeckens
bij tijd en wesenede naeden ouden haercomen
op die boet van vier pont was,

Item zoe en zall gheen weduwe nyemant
leeren scheeren want zij zelver dat ambocht
nyet en doet

Item soe sall een giede brueder moeghen setten

Dank je wel, hierbij de eerst volgende blz.

blz 4

blz 5

eenen Knecht off meer te wercken ende die knaep
zall hebben half dat hij windt op zijn selffs
cost Ende die meester sall hem bereyden alle
reeschap en(de) ton byten des knapen cost Ende
dede die meester hier anderes Inne dat waer
op een bute van vier pont was;

Item zoe en zall gheen gilde broeder noch
zijn wijff, noch zijn kinder noch zijn bode -
noch nyemant van zijnder weghen, om wreck
bidden noch doen bidden, noch nyemant
aenroepen noch doen aenroepen bijder straten
om wreck van hem te gecrigchen te eenigher
wijs op die buete van vier pont was alsoe
dicke alsment bevonde

Item zoe en zall nyemant waer coopen ofte
borghen die om dat hijt verdienden wil
met scheeren op die buete van vier pont was
Behoudelick heeft hij yet verdient met
scheeren daer mach hij waer over nemen
off hij wil zonder verbueren

schuldich van scheeren en(de) hadde laecken in eens
anders gildebroeders huys te scheerenm dat
laecken zall onse gildebrueder die men schuldich
is mogehen bestellen voer zijn arbeyts loon
met eenen Schouten knaep maer die man
die men die schult eyscht zall daer neen
voer moeghen segghen met zijnen eede ende gavet
onse gildebrueder over dattie schuldenaer
gheen onschult en dede zoe soude hij de schult
selver betaelen Op dat die ghene met sijnen
eede hielde dat hem die man soe veel schuldich
waer ende hij en zoude gheen ambocht doen
voer hij hem betaelt hadde op een buete van
twee pont was alzoe dicke als hij daer over
schoer

Item storve een gildebrueder zoe mach zijn
wijff knapen houden ende hantieren dit
gilde ten waer dat zij hier verdorperde
met eenen anderen man des sall zij des
Jaers geven hair Jaergelt en(de) doen
waecken als haer die Waeck int gilde
gebueren zall

Item worde een gildebroeder te marghenspraeck
geboden en(de) hij daer nyet en quaem op die
Uuyre die hem geboden wordt die verbuert

Laatste (vergeten) regel van blad 3: 

Item waer yemant onse gildebtueders gelt

acht d(uiten) hollandt hij en mocht met sin
keeren en(de) dat zoude die deeckens kavelen
nae der onschult die hij dede;

Item zoe zulle die gildebrueders waecken
alst daer stede waeck Is In onse gilde
ende hem ons gildenknecht gebiet ende
beginnen aen die groote kerck en(de) gaen
soe recht om totten gevangen toorn toe
wtgenomen die deeckens en(de) die In haer
sacrament liggen, ende die wijffven
van kinde hebben leggen ende die van
huys zijn, ten waer dat zij thuys quame(n)
binnen dat dattie waeck Int gilde
waer ende desgelijcx die vrouwen
mede die In ons gilde zijn, ende liet
onse knecht anders yemant quijt, zoe
zoude hij In onse gilde verbueren alzoe
veel als een gildebroeder verbuert Ende
ter waeck niet en coempt tegen den
Hoedtman, ende hij en zoude nyet scheeren
hij en hadde den gilde voldaen

Item wanneer dit gilde bij bevel vanden

Top dank je wel. Hierbij de volgende pagina´s.

vlg pagina

en de volgende

En nog een.

En nog een pagina. De volgende pagina´s doe ik morgen. Hopelijk vraag ik niet teveel, ben zeer dankbaar voor de transcripties

heeren, ende der gemeender stadt in die waepen
gaet zoe wie dan bij zijnen deeckens nyet en
quaem met zijner harnasch oft wapen en(de) bleve
bij hem tot dat hem die deeckens oirloff gaven
die verbuerde een Jaer zijn ambocht dat hijt
nyet in Dordrecht soude doen off doen doen off hij
en zall den gilde daer voer geven eenen
engelschen nobel als die kuer Inhoudt

Item waert dat eenich gildebrueder wie datt waer
den deeckens off yemant anders lochende het
zij Inder margen spraeck off Inder waecken off
Inder wapeninck, off waer dat dit gilde bij
tijden vergaedert zall weesen die verbuert vier
pondt was,

Item zoe wanneer dit gilde bij een vergaedert Is
zoe wie dan twist off oprijsing maecked
om te vechten, het zij een deecken off een ander
man die verbuerde vier pont was

Item als dit gildt bij een vergaedert Is zoe wie dan
de anderen eerst sloeghe, op dat hij nyet en
vluede off wie eerst zijn mesch die verbuerde
acht pint was Behoudelick den heere en(de)
dair stede hoirs rechts

Item tot wat tijde dit gilde vergaedert Is
zoe wye dan den anderen eerst staeck off

sloeghe soe dat hij bluede die verbuerde twaleff
pont was Behoudelijck den heer en(de) dair stede
hoirs rechts

in marge: nota

Item waert dat eenich gildebrueder den
deeckens quade woorden gave waert In
verghaderingen of daer buyten op dattet
van(den) gilde ruerde, die verbuerde vier pont
was

Item zoe zullen alle gildebrueders die teghen
malkanderen In vreeden staen en(de) nyet gebluet
reyst en zijn bliven an die deeckens ende
gemeyn gildebroeders ende die suen die zij
dan daer aff segghen, die sullen die parthie
aen beyden zijden houden, en(de) voldoen Ende
waer hier yemant overhoorich Inne dat hijt
aldus nyet bliven en woude (als hijs vanden
deeckens vermaent worde die en zoude gheen
a,bocht doen op die buete van vier poinden
was also dick als hij daer overwrocht
off dede wercken) also verre alst an haer
eer nyet en ginge

Item als een gildebrueder off zijn wijff
sterft In dit gilde soe sall die knaep den
gemeenen gildebrueders segghen op datmen hem
die weete doet vanden dooden, ende soe wye
daer nyet en en waere alsmen den dooden ophieve
en(de) ginck mede ter kercke en(de) offerden over den
dooden en(de) gaven twee siele pe(n)ningen den deeckens
om broot over die ziel ende holp den dooden

aerden eer hij wech ginck ende hadde zijnen
gildecaproen otp hoeft die verbuerde sestien
d(uyten) Hollandts

Item wat heylige daeghe die heylige kerck
gebiet te vieren bij den ban en(de) gehoersaemheyt
die sellen wij vieren zoe dat wij niet scheeren
an zullen op die buete van twee pont was
ten waer roucleederen off bruyloft clederen off
herevaerts cleederen des salmen den deeckens
oirloff bidden

Item wanneer dit ghilde In kueren leyt,
cleyderen off caproen te draeghen mit
malcander die dat nyet en dede verbuerde
vier pont was,

Item zoe wie des gilden clederen ymant liet
dragen binnen Jaers die Int gilde nyet
bevreyt en waer, die verbuerde een pont was
alsoe dick als hijt liet geschien

Item worden onse deeckens gebeden te offeren
binnen Dordrecht tot een eerste misse dat
zall hij den gildebruederen doen segghen
en(de) wie dan daer nyet en quame Offeren met
zijnen deeckens en hadde zijn gilde cleeder

off caproen an die verbuerde sestien d(uyten) Holl(an)ts

Item waert dat yemant die waecke versuymde
en(de) die hodman die bueten haelde tot des deeckens
huys, ende als die deecken eyschede dat geldt
van zijnen guldebrueder zijn pande mede te lossen
ende gave hijt hem dan nyetbinnen dien
daeghe, soe soude die deecken des anderen
daeghes daer nae met een scheeren cnaep pande
halen uuyt horen huyse en(de) settense voer sijn
pande Ende die gildebrueder oft gilt suster
zall verbueren tegens dit gilde een pont was

[links: nota]
Item soe salmen In allen margenspraecke
als die deeckens kueren omvragen bliven bij den
meesten kueren naeden Ouden haircomen op
bueten van twee pont was die daer tgehen
seyde

Item zoe en zall nyemant spreecken In eens
anders keur op die buete van acht d(uyten) Holl(an)ts
alsoe meenichwerffven als hem die deecke(n)s
daer aff beslaen, en(de) men zalt rechtevoert
betaelen den deeckens off t in wercken zij
daer over eer dat zij betaelt hebben dat Is
op die buete van een pont was

[links: Nta]
Item als yemant ontfaen werdrt als gildebrueder
in dit gildt zoe zall hij zweeren die heylighe
kerck den here die stadt, alle gilde en(de) dit
gilde te helpen houden In hoeren rechte, ende
dan zall hij terstont dat gelt opptellen, dat
zij vanden gilde zall gheven

[links: nota]
Item als die deeckens en(de) gildebroeders bij verdrach
van(den) gemeenen gildebrueders tsamen aeten en(de)
drincken, en(de) dan zijn gelach nyet en betaelde dat
zoude die deeckens naeden dorden dach betaelen
Ende zoude recht te voert met een sheeren knaep
twy schatte pande daer voer halen tot zijnen huyse
ende hij zoude tegens dat gilde verbueren
een pont was

Item wat man In dit gilde ontfangen wordt als
meester die zall die mergenspraeck die waeck
gebieden en(de) alle andere bootsceppen doen die dit
gilde behouff gedaen te hebben In eeniger wijs en(de)
hem die deeckens bij tijden bevelen, ende waert
saecke dat hijt versuymede zoe dat dit gilt daer
bij In schaede quaem off eenich vande gildebrueders
dat zoude hij oprechten, off hij en soude gheen ambocht
doen

Item waert dat eenigh van(den) gildebruederen of gild-
susteren Bevallen warden van bueten van dat voerss(chreven)
satet en(de) men die buete nyet en betalede soe sall
die deecken die bij tijden weesen zall moeghen
haer ambocht verbieden tot zij die bueten voll
betaelt zullen hebben Ende waert dat yemant
bueten verbuert hadde en(de) hij dat ambocht liet
zoe zouden die deeckens met eens heeren knaep
 

In de voorlaatste tekst: scheeren cnaep = sheeren cnaep

In de laatste tekst: betalede = betaelde

Top, grote dank voor  de transcriptie

Leo